قازاقستان جازۋشىلار وداعىنىڭ تٶراعاسى ۇلىقبەك ەسدەۋلەت قازاق حالقىنىڭ ۇلى اقىنى, اعارتۋشىسى اباي قۇنانبايۇلىنىڭ 175 جىلدىعىن مەرەكەلەۋ تۋرالى جارلىقتىڭ شىعۋىن قالامگەرلەر قاۋىمى اسىعا كٷتكەنٸن ايتتى, دەپ حابارلايدى قازاقپارات تٸلشٸسٸ.
«ابايدىڭ 175 جىلدىعىن مەرەكەلەۋ جازۋشىلار وداعىنىڭ, جالپى قالام ۇستاعان قاۋىمنىڭ كٷتٸپ جٷرگەن قاۋلىسى بولاتىن. مۇنىڭ جاي قاۋلى ەمەس, پرەزيدەنت جارلىعى بولىپ شىققانىندا ٷلكەن مەن بار. قاسىم-جومارت توقاەۆتىڭ ۇلتىمىزدىڭ ۇلى اقىنىن ۇلاعاتتاۋدا ەرەكشە جاناشىرلىعى, تٸلگە, ەدەبيەتكە دەگەن جاناشىرلىعى, اباي قۇنانباەۆتىڭ شىعارماشىلىعىنا دەگەن ۇلى قۇرمەتٸ دەپ بٸلۋ كەرەك. بۇل جارلىقتا عىلىمي-پراكتيكالىق كونفەرەنتسييالار, ابايدىڭ شىعارماشىلىعىنا قاتىستى ەلەم جۇرتشىلىعىنىڭ قىزىعۋشىلىعىن ارتتىرۋ, ەلەمگە ابايدىڭ قادٸر-قاسيەتٸن, جۇمباعىن تٷسٸندٸرۋ سيياقتى ٷلكەن ماقسات تۇر. ونىڭ ار جاعىندا بۇرىن كەتكەن ولقىلىق-كەمشٸلٸكتەردٸ ەسكەرە وتىرىپ, اباي شىعارمالارىن ەلەمنٸڭ جەتەكشٸ تٸلدەرٸنە اۋدارۋعا كٶڭٸل بٶلٸنۋدە», - دەدٸ ۇلىقبەك ەسدەۋلەت.
جازۋشىلار وداعى باسشىسىنىڭ سٶزٸنشە, بۇل مەرەيتويعا قازاقستان اقىن-جازۋشىلارى دا بٸر كٸسٸدەي اتسالىسپاق.
«ەرينە, بٸزدەگٸ بٷتٸن جازۋشى ھەم اقىننىڭ اتاسى - اباي. سول قالامگەرلەر اباي شىعارمالارىن جاس ۇرپاق بويىنا انا سٷتٸمەن سٸڭٸرۋگە, قادٸر-قاسيەتٸن تٷسٸندٸرۋگە بٸر كٸسٸدەي اتسالىسادى. اباي وقۋلارىن ٶتكٸزۋ, زەرتتەۋ ماقالالارىن جازۋ, ونىڭ جٷرٸپ ٶتكەن جەرلەرٸمەن ساپارلاۋ, اقىنعا بايلانىستى شىعارمالاردى ساحنالاۋ, تولىققاندى دۇرىس فيلم تٷسٸرۋ جەنە تاعى باسقا جۇمىستار اتقارىلىپ جاتىر. جاڭادان پوەتيكالىق قويىلىمداردى ٸسكە اسىرۋ, بٷكٸل بالاباقشادان باستاپ مەكتەپتەردە اباي ٶلەڭدەرٸن جاتتاتۋ, ونىڭ قارا سٶزدەرٸنٸڭ مەنٸن اشىپ بەرۋ, باسقا دا كٶپ ٸس شارالار جوسپارلانىپ وتىر. كەلەسٸ جىل تٷركسوي بويىنشا نەمەسە قازاقستان كٶلەمٸندە اباي جىلى بولىپ جارييالاناتىنى انىق», - دەدٸ ۇ.ەسدەۋلەت.
ايتا كەتۋ كەرەك, 30 مامىر كٷنٸ قر پرەزيدەنتٸ قاسىم-جومارت توقاەۆ 2020 جىلى ابايدىڭ 175 جىلدىق مەرەيتويىن مەرەكەلەۋ تۋرالى جارلىققا قول قويدى.
