ٶزبەكستان وليي ماجليسٸ زاڭ شىعارۋ پالاتاسىنىڭ سپيكەرٸ نۋردينجون يسمويلوۆ قازاقستان پارلامەنتٸ مەجٸلٸسٸنٸڭ تٶراعاسى نۇرلان نىعماتۋليننەن قازاقتىڭ ۇلى اقىنى ابايدىڭ 175 جىلدىعىنا ارنالعان چەللەندجدٸ قابىلدادى, دەپ حابارلايدى "ۇلت اقپارات".
«اباي اقىن ەرٸ ۇلى ويشىل بولا وتىرىپ, حالىقتار اراسىندا بەيبٸتشٸلٸك سالتانات قۇرعاندا عانا قوعامنىڭ نەگٸزگٸ كٷشتەرٸ: عىلىم, وزىق ويلار, مەدەنيەت داميدى دەپ سانادى», - دەيدٸ وليي ماجليس پالاتاسىنىڭ سپيكەرٸ.
نۋردينجون يسمويلوۆ وسى اكتسييانىڭ ٶزبەكستانداعى قازاقستان جىلى تويلانىپ جاتقان ۋاقىتقا تۇسپا-تۇس كەلگەنٸن اتاپ ٶتتٸ. سپيكەردٸڭ ايتۋىنشا, بۇل – قازاق پەن ٶزبەكتٸڭ مەڭگٸ ەرٸ شىنايى دوستىعىنىڭ, مەدەني ەرٸ رۋحاني بٸرلٸگٸنٸڭ سيمۆولى.
«تۋىسقان ەكٸ حالىقتىڭ تاعدىرى دا, بولاشاعى دا ورتاق», - دەدٸ ٶزبەك سپيكەرٸ.
ول ٶزبەكستاندا جىل سايىن 10 تامىز كٷنٸ ۇلى اقىننىڭ تۋعان كٷنٸنە وراي سالتاناتتى شارالار ۇيىمداستىرىلاتىنىن, تاشكەنت مەملەكەتتٸك پەداگوگيكا ۋنيۆەرسيتەتٸندە «اباي جەنە ٶزبەك ەدەبيەتٸ» ەكسپوزيتسيياسى اشىلعانىن, وقۋشىلار مەن ستۋدەنتتەر اراسىندا اباي تاقىرىبىنا شىعارمالار بايقاۋى ٶتەتٸنٸن جەتكٸزدٸ.
ابايدىڭ ٶلەڭٸن ٶزبەكشە وقىعان نۋردينجون يسمويلوۆ ەستافەتانى قازاقستان رەسپۋبليكاسىنىڭ ٶزبەكستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ دارحان ساتىبالدىعا جولدادى.
