بٷگٸن «اباي» شاحتاسىندا قازا تاپقان 5 كەنشٸ جەرلەندٸ. ەرتەڭ تاعى بٸر شاحتيورمەن قوشتاسۋ رەسٸمٸ ٶتەدٸ, دەپ حابارلايدى قازاقپارات.
بٷگٸن اباي قالاسىندا شاحتادا مەتاننىڭ تارالۋىنان قازا تاپقان كەنشٸلەرمەن قوشتاسۋ رەسٸمٸ ٶتتٸ. ونىڭ ٸشٸندەگٸ ەڭ جاسى - 31 جاستا, ەڭ ٷلكەنٸ - 53-تە ەدٸ.
«بۇل - بەرٸمٸز ٷشٸن ورنى تولماس قايعى. بٸز بٷگٸن باۋىرلارىمىز بەن ۇلدارىمىزدى جەرلەپ جاتىرمىز. مەن 71 جاستامىن, بٸراق ٶكٸنٸشكە قاراي, جاس جٸگٸتتەرمەن قوشتاسۋعا كەلٸپ تۇرمىن. بٸزدٸڭ جۇمىسىمىز ٶتە قاۋٸپتٸ. مۇنداي قايعىلى جاعدايدىڭ الدىن الۋ مٷمكٸن ەمەس. شاحتادا جۇمىس ٸستەيتٸندەردٸڭ بەرٸ بٸزدٸڭ جۇمىسىمىز اسا قاۋٸپتٸ ەكەنٸن بٸلەدٸ», - دەيدٸ ارداگەر شاحتيور ۆيكتور كازاكوۆ.
«ارسەلورميتتال تەمٸرتاۋ» باس ديرەكتورى قازا تاپقاندار مەن زارداپ شەككەندەردٸڭ وتباسىلارى كومپانييادان تولىق مورالدىق جەنە ماتەريالدىق قولداۋ الاتىنىنا سەندٸردٸ.
«بٸز وتباسىلارعا كٶمەك كٶرسەتۋ ٷشٸن ەر ٷيەلمەنگە جاۋاپتى تۇلعالاردى تاعايىندادىق. بٸز سونداي-اق زارداپ شەككەندەرگە قامقورلىق جاسايمىز. ولارعا مەديتسينالىق جەنە باسقا دا كٶمەك كٶرسەتەمٸز. كوميسسييا جۇمىس ٸستەيدٸ. بٸز بولعان وقيعانى تەرگەۋ بارىسىندا كوميسسيياعا جان-جاقتى قولداۋ كٶرسەتەمٸز. مەملەكەتتٸك كوميسسييانىڭ تەرگەۋٸ اياقتالعانعا دەيٸن بٸزگە ٸشكٸ تەرگەۋ جٷرگٸزۋگە رۇقسات جوق», - دەدٸ «ارسەلورميتتال تەمٸرتاۋ» اق باس ديرەكتورى بيدجۋ ناير.
سونداي-اق كومپانييا باسشىلىعى قازا تاپقانداردىڭ بالالارى مەن وتباسىلارىنا وقۋ اقىسىن تٶلەۋ جەنە نەسيەلەرٸن ٶتەۋ بويىنشا كٶمەك كٶرسەتۋگە مٸندەتتەنەدٸ.
«وقۋعا قاتىستى بٸزدە 20 جاسقا دەيٸن ۋنيۆەرسيتەتتە وقۋعا قاراجات بەرۋ تۋرالى مٸندەتتەمە بار. مەسەلە قازٸر تالقىلانىپ جاتىر. ەر وتباسىنا جەرلەۋ, قوناق اسىن ۇيىمداستىرۋ سيياقتى بارلىق مٸندەتتەرمەن اينالىساتىن مامان تاعايىندالادى. كومپانييا ولاردىڭ نەسيەسٸن ٶتەۋدٸ ٶز موينىنا الادى. كومپانييا قازا تاپقانداردىڭ وتباسىنا ون جىلدىق جالاقى تٶلەۋ بويىنشا مٸندەتتەمە الدى», - دەدٸ «ارسەلورميتتال تەمٸرتاۋ» اق اتقارۋشى ديرەكتورى ەلٸشەر ەبەنوۆ.
ەسكە سالايىق, 7 قاراشا كٷنٸ ساعات 08:24-تە «ارسەلورميتتال تەمٸرتاۋ» اق كٶمٸر دەپارتامەنتٸنٸڭ «اباي» شاحتاسىندا مەتان گازى تاراي باستاعان. بۇل ۋاقىتتا شاحتادا 64 ادام جۇمىس ٸستەپ جاتقان, 54-ٸ ەۆاكۋاتسييالاندى.
اپات سالدارىنان ەكٸ ادام زارداپ شەگٸپ, التى كەنشٸ قازا تاپتى. زارداپ شەككەندەر اۋىر حالدە جانساقتاۋ بٶلٸمٸندە جاتىر.
پرەزيدەنت قاسىم-جومارت توقاەۆ قازا تاپقان شاحتەرلەردٸڭ جاقىندارى مەن تۋىستارىنا كٶڭٸل ايتتى. سونداي-اق زارداپ شەككەن ازاماتتاردىڭ تەزٸرەك ساۋىعىپ كەتۋٸنە تٸلەكتەستٸك بٸلدٸردٸ.
اپات سالدارىنان قازا بولعاندار مەن زارداپ شەككەندەردٸڭ ەسٸمٸ جارييالاندى.
قر تجم باسشىسى يۋريي يلين باق ٶكٸلدەرٸنە ارنالعان بريفينگٸدە اپاتقا قاتىستى قىلمىستىق ٸس قوزعالعانىن ايتتى.
كٶز جۇمعان 6 كەنشٸ مەتان گازى تاراعان كەزدە قۇتقارۋ قۇرالىن كيٸپ ٷلگەرمەي قالعان.
