قاراعاندى وبلىسى ەكٸمٸنٸڭ باسپاسٶز قىزمەتٸ ساعات 15.00-دەگٸ جاعداي بويىنشا, اپات بولعان «اباي» شاحتاسىندا اتقارىلىپ جاتقان جۇمىستار تۋرالى اقپارات بەردٸ, دەپ حابارلايدى "ۇلت اقپارات".
قازٸرگٸ ۋاقىتتا قۇتقارۋشىلار قاراعاندى وبلىسىنداعى "اباي" شاحتاسىندا ورىن العان تٶتەنشە جاعدايدان كەيٸن قازبالاردان گاز شىعارۋ جۇمىستارىن ورىنداپ جاتىر.
– قۇرامىندا 12 ادامى بار 2 تاۋ-كەن قۇتقارۋ بٶلٸمشەسٸ مەتان گازىنىڭ كەنەتتەن تاراۋىنان كەيٸن قازبالاردى گازسىزداندىرۋ بويىنشا جۇمىستار جٷرگٸزۋدە. اپاتتىق كەنجاردا اتىلعىن تاۋ-كەن ماسساسىنىڭ ۇزىندىعى شامامەن 20 مەتردٸ قۇرايدى. شاحتانىڭ باسقا جەرلەرٸندە ەشقانداي ٷيٸندٸلەر جوق, – دەپ تٷسٸندٸردٸ كەسٸبي ەسكەريلەندٸرٸلگەن اپاتتىق-قۇتقارۋ قىزمەتتەرٸنٸڭ روش قاراعاندى فيليالىنىڭ ديرەكتورى گەنناديي سيلينسكيي.
ەسكە سالايىق, 7 قاراشا كٷنٸ ساعات 08:37-دە «ارسەلورميتتال تەمٸرتاۋ» اق كٶمٸر دەپارتامەنتٸنٸڭ «اباي» شاحتاسىندا تٶتەنشە جاعداي ورىن الدى. اپات كەزٸندە شاحتادا بارلىعى 64 ادام بولعان. 56 ادام ٶزدەرٸ جەر بەتٸنە شىققان. مەتان گازى تاراعان 3-ك10 كەنجارىندا سەگٸز ادام قالعان. التاۋى قازا تاۋىپ, ەكەۋٸ زارداپ شەكتٸ, ولاردىڭ جاعدايى اۋىر.
پرەزيدەنت قاسىم-جومارت توقاەۆ قازا تاپقان شاحتەرلەردٸڭ جاقىندارى مەن تۋىستارىنا كٶڭٸل ايتتى. سونداي-اق زارداپ شەككەن ازاماتتاردىڭ تەزٸرەك ساۋىعىپ كەتۋٸنە تٸلەكتەستٸك بٸلدٸردٸ.
