پەتروپاۆلدا پوليتسەيدٸڭ دەر كەزٸندە ارالاسۋىنىڭ ارقاسىندا 49 جاستاعى تۇرعىن 3 ميلليون تەڭگەسٸن الاياقتارعا اۋدارۋدان امان قالدى. سلەسار بولىپ جۇمىس ٸستەيتٸن ازامات قاسكٶيلەردٸڭ سٶزٸنە سەنٸپ, اقشاسىن «قاۋٸپسٸز شوتقا» جٸبەرمەك بولعان, دەپ حابارلايدى ult.kz.
Polisia.kz مەلٸمەتٸنشە, وقيعا قالاداعى ساۋدا ٷيلەرٸنٸڭ بٸرٸندە بولعان. پوليتسييا اعا لەيتەنانتى ەركەبۇلان قۇربانييازوۆ بانكومات جانىندا تەلەفونمەن ۇزاق سٶيلەسٸپ, قوبالجىپ تۇرعان ەر ادامدى بايقايدى. ونىڭ قولىنداعى پاكەتتٸڭ ٸشٸنەن اقشا بۋمالارى كٶرٸنٸپ تۇرعان.
پوليتسەي ازاماتقا الاياقتاردىڭ ارباۋىنا تٷسۋٸ مٷمكٸن ەكەنٸن ەسكەرتكەن. الايدا تەلەفونداعى قاسكٶيلەر وعان پوليتسييا قىزمەتكەرلەرٸنە دە سەنبەۋدٸ ايتىپ, كٷدٸگٸن كٷشەيتكەن. سوعان قاراماستان, پوليتسەيدٸڭ تاباندىلىعىنىڭ ارقاسىندا ەر ادام اقشاسىن اۋدارۋدان باس تارتقان.
الدىمەن ەر ادامعا اۆتوماتتى داۋىس حابارلاسىپ, ەلەكتروندى تسيفرلىق قولتاڭباسىنىڭ مەرزٸمٸن ۇزارتۋ ٷشٸن «1» سانىن باسۋدى ۇسىنعان. كەيٸن ٶزٸن بانك قىزمەتكەرٸ رەتٸندە تانىستىرعان ادام ونىڭ اتىنا نەسيە رەسٸمدەلٸپ جاتقانىن ايتىپ, مەسەلەنٸ شەشۋ ٷشٸن كرەديت الىپ, اقشانى «قاۋٸپسٸز شوتقا» اۋدارۋعا كٶندٸرگەن.
وسىلايشا, ازامات 3 ميلليون تەڭگەسٸنەن ايىرىلىپ قالا جازدادى. پوليتسييا تۇرعىنداردى بەيتانىس ادامداردىڭ نۇسقاۋىمەن اقشا اۋدارماۋعا جەنە «قاۋٸپسٸز شوت» تۋرالى ۇسىنىستارعا سەنبەۋگە شاقىرادى.
