فوتو: Facebook.com
اباي وبلىسىنىڭ تاعى بٸر ايماقتىق برەندٸ پايدا بولدى. بۇل تۋرالى ٶڭٸر باسشىسى بەرٸك ۋەلي ٶزٸنٸڭ ەلەۋمەتتٸك جەلٸدەگٸ پاراقشاسىندا جازدى, دەپ حابارلايدى Ult.kz.
اقسۋات اۋدانىنىڭ تارباعاتاي تاۋى ەتەگٸندەگٸ ەلەكە سازىنان تابىلعان ميفتٸك التىن بۇعى مٷسٸنٸ ەندٸ وبلىستىڭ كەدەسىيلىق سيمۆولىنا اينالماق. ەكٸمنٸڭ ايتۋىنشا, بۇل بەينە تٷركٸ حالىقتارىنىڭ تاريحي جادى مەن ميفولوگيياسىندا ەرەكشە ورىن الاتىن قاسيەتتٸ اڭ سانالادى.
"بۇعى – تٷركٸ دٷنيەتانىمىنداعى انالىق باستاۋ, جول كٶرسەتۋشٸ, اسپانمەن بايلانىس پەن شىققان تەكتٸڭ سيمۆولى. ونىڭ بەينەسٸ رۋ تاڭبالارىندا, كٶنە ٶنەر تۋىندىلارىندا جەنە اڭىز-ەپسانالاردا جيٸ كەزدەسەدٸ", – دەپ جازدى بەرٸك ۋەلي.
VI عاسىرعا تيەسٸلٸ ارحەولوگييالىق ولجا ٶڭٸردٸڭ كٶنە دەۋٸردەن-اق ٶركەنيەتتٸڭ وشاعى, ساياسي جەنە مەدەني ورتالىق بولعانىن ايعاقتايدى. بۇعى بەينەسٸ بٷگٸنگٸ كٷنگە دەيٸن حالىق جادىندا ساقتالىپ كەلگەن كيەلٸ رەمٸز.
تارباعاتايدىڭ باۋرايىنان تابىلعان قاسيەتتٸ التىن بۇعى – ۇلت جادى مەن تاريحي تانىمدى جاڭعىرتاتىن ەرەكشە جەدٸگەر, دەيدٸ ٶڭٸر باسشىسى. ەندٸ بۇل بەينە اباي وبلىسىنىڭ مەدەني-تاريحي قۇندىلىقتارىنىڭ سيمۆولى رەتٸندە كەڭٸنەن ناسيحاتتالادى.
