18 شٸلدە – حالىقارالىق نەلسون ماندەلا كٷنٸنە وراي پەنيتەنتسيارلىق مەكەمەلەردە سوتتالعاندارعا ارناپ كەسكٸندەمەدەن شەبەرلٸك ساباعى ۇيىمداستىرىلدى, دەپ حابارلايدى "ۇلت اقپارات".
قىلمىستىق اتقارۋ جٷيەسٸ كوميتەتٸ شارانى بٸرٸككەن ۇلتتار ۇيىمىنىڭ قولداۋىمەن ٶتكٸزدٸ.
ۆەدومستۆونىڭ باسپاسٶز قىزمەتٸنٸڭ حابارلاۋىنشا, شەبەرلٸك ساعاتى پيلوتتىق جوبا بويىنشا جۇمىس ٸستەپ تۇرعان ەكٸ پەنيتەنتسيارلىق مەكەمەدە ٶتكەن.
ونىڭ بٸرٸ گيبريدتٸ فورماتتا ۇيىمداستىرىلىپ, بەينەبايلانىس ارقىلى قازاقستاننىڭ تٷكپٸر-تٷكپٸرٸنەن قوسىمشا 20 پەنيتەنتسيارلىق مەكەمە قوسىلعان.
شەبەرلٸك ساباعىن بەلگٸلٸ قازاقستاندىق سۋرەتشٸ اسحات احمەدياروۆ ٶتكٸزدٸ.
«ٶنەر ارقىلى سوتتالعاندار ارت-تەراپييادان ٶتتٸ. ٶنەر – رۋحاني تازارۋدىڭ بٸر ەلەمەنتٸ. سالىنعان سۋرەتتەردەگٸ ويلار مەن ماقسات-تٸلەكتەر شىن جٷرەكتەن شىقتى. ويلانۋعا نەگٸز بەرەتٸن كەرەمەت جۇمىستار بار. باس بوستاندىعى شەكتەۋلٸ ورىنداعى ادامنىڭ جان تەبٸرەنٸسٸ, الاڭدايتىن مەسەلەسٸ, سەزٸمٸ بار سۋرەتتەردە. ەڭ باستىسى - سۋرەتتەردەن ەرتەڭگە دەگەن ٷمٸت كٶردٸم. بۇل ٶتە ماڭىزدى», - دەيدٸ سۋرەتشٸ.
«بۇل جۇمىس بۇۇ-نىڭ تۇتقىندارعا قاتىستى مينيمالدى ستاندارتتى ەرەجەلەرٸمەن بايلانىستى. نەلسون ماندەلا تۇتقىندا بولعاندا وسى قاعيداتتىڭ ٸسكە اسۋىنا تٷرتكٸ بولعان دەسەدٸ. مۋرالدى سالۋعا ماعان سوتتالعاندار كٶمەكتەستٸ. ولار ٷشٸن بۇل ٶزٸندٸك پسيحولوگييالىق وڭالتۋ بولدى دەپ ٷمٸتتەنەمٸن», - دەيدٸ قىلقالام شەبەرٸ.
