پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ «اشىق ديالوگ» سۇحباتىنىڭ كەزەكتٸ سانىندا جامبىل وبلىسىنىڭ ەكٸمٸ بەردٸبەك ساپارباەۆتىڭ سٶگٸس الۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
«فورمالدى تۇرعىدان الساق, شەنەۋنٸكتٸ جاڭا قىزمەتكە تاعايىنداۋ بويىنشا ەشقانداي پروبلەما بولماعان شىعار. بەرٸ زاڭ نۇسقاعان جولمەن ٸستەلگەن دە بولۋى كەرەك. بٸراق مەملەكەتتٸك قىزمەت قۇرعاق زاڭعا عانا نەگٸزدەلمەيدٸ. سونىمەن قاتار ونىڭ مٸندەتٸنە ەتيكا, قوعامعا قىزمەت ەتۋ دە كٸرەدٸ. مەن قازٸر قاتەلەسۋٸم مٷمكٸن. ەسٸمدە بولسا, قازاقستاندا 100 مىڭعا جۋىق مەملەكەتتٸك قىزمەتشٸ بار. ونىڭ بەرٸن پرەزيدەنت قىزمەتتەن بوساتىپ جاتقان جوق قوي, وعان كەلٸسەتٸن شىعارسىز. بۇل - ەرەكشە جاعداي», - دەپ تٷسٸندٸردٸ دەۋرەن اباەۆ.
ونىڭ پايىمىنشا, پرەزيدەنت قابىلداعان بۇل شەشٸمنٸڭ رەسمي جاعىنان بٶلەك, سيمۆولدىق مەنٸ بار.
«بۇل – بيلٸك پەن قوعامنىڭ ٶرەسكەل ٸستەر بويىنشا ىنتىماقتاستا بولا الاتىنىنىڭ كٶرٸنٸسٸ. مۇنى ەربٸر ەكٸم, ەربٸر مينيستر تٷسٸنۋٸ تيٸس. بۇل جۇمىستان بوساتىلعان شەنەۋنٸك جامان باسقارما باستىعى بولار ەدٸ دەگەن سٶز ەمەس. جوق. بۇل جەردە بيلٸكتٸڭ بەدەلٸ, بيلٸك پەن قوعامدىق سەنٸم تۋرالى ايتىلىپ وتىرسا كەرەك. سەنٸم بولماسا, بيلٸكتٸڭ جۇمىسى دا مٷمكٸن ەمەس. مەملەكەتتٸك اپپاراتتىڭ مۇنى ەستۋٸ ماڭىزدى دەپ ويلايمىن» - دەپ اتاپ ٶتتٸ دەۋرەن اباەۆ.
