اقپارات جەنە قوعامدىق دامۋ مينيسترٸ دەۋرەن اباەۆ جۋرناليستەرگە بەرگەن سۇقباتىندا بٸرەر كٷن بۇرىن ينتەرنەت بۇعاتتالعانىنا ٶزٸ باسقاراتىن مينيسترلٸكتٸڭ قاتىسى بولماعانىن ايتتى.
ونىڭ سٶزٸنشە, "ينتەرنەتتٸڭ نە ٷشٸن بۇعاتتالعانىن سول سالاعا قۇزىرەتٸ بار ورگاننان سۇراۋ كەرەك. ال, اقپارات جەنە قوعامدىق مينيسترلٸگٸنٸڭ بايلانىس سالاسىنداعى قۇزىرى وسىدان بٸر جىل بۇرىن الىنىپ قالعان".
الايدا, مينيستر ينتەرنەتتٸ بۇعاتتاۋ جەنە قايتا قوسۋمەن قاي مينيسترلٸك نەمەسە قانداي مەملەكەتتٸك ورگان اينالىساتىنىن اشىپ ايتپادى.
بايلانىس سالاسى بۇرىن اقپارات جەنە قوعامدىق دامۋ مينيسترلٸگٸنە قاراستى بولعان كەزدە دە ينتەرنەت جيٸ اجىرايتىنى بايقالعان جەنە ول كەزدە اباەۆ تەحنيكالىق اقاۋلار سەبەپ بولدى دەگەن بولاتىن. ازاتتىق تٸلشٸسٸنٸڭ بۇل تۋرالى ساۋالىنا:
- يە, ول كەزدە تەحنيكالىق پروبلەمالار بولدى, بۇل جولى نەدەن ەكەنٸن بٸلمەيمٸن, - دەپ جاۋاپ بەردٸ.
كەشە, اقپاننىڭ 16-سىنا قازاقستان پرەزيدەنتٸنٸڭ باسپاسٶز حاتشىسى بەرٸك ۋەلي "پرەزيدەنت قاسىم-جومارت توقاەۆ ميۋنحەندە (گەرمانييا) جۇمىس ساپارىمەن جٷرگەندە قازاقستاننىڭ ينتەرنەت جەلٸسٸندەگٸ اقاۋ جايىندا حاباردار بولدى. مەملەكەت باسشىسى بارلىق اقپاراتتىق رەسۋرستاردىڭ جۇمىسىن قالپىنا كەلتٸرۋدٸ تاپسىردى" دەپ جازدى.
اقپاننىڭ 14-15-ٸنە قازاقستاندا Google, Telegram, Youtube, Instagram سيياقتى كەيبٸر جەلٸلەردٸڭ جۇمىسى تەجەلٸپ, شەتەلدٸك سايتتاردىڭ اشىلۋى قيىنداعانى بايقالعان بولاتىن.
