اقپارات جەنە كوممۋنيكاتسييالار مينيسترٸ دەۋرەن اباەۆ بٷگٸن تٷندە استانادا ٶرتتەن قازا بولعان بەس بالانىڭ اتا-اناسىنا كٶڭٸل ايتتى, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندە "QAZAQ EPOS" رەسپۋبليكالىق اعارتۋ جوباسى بويىنشا باستالعان بريفينگتٸ اقپارات جەنە كوممۋنيكاتسييالار مينيسترٸ كٶڭٸل ايتۋدان باستادى.
"بٷگٸن تٷندە استاناداعى جەكەمەنشٸك ٷيلەردٸڭ بٸرٸندە بولعان ٶرتتەن قازا تاپقان بەس بالانىڭ اتا-اناسى مەن تۋعان-تۋىستارىنا كٶڭٸل ايتامىن. ٶرت شىققان كەزدە, كٸشكەنتايلاردىڭ اتا-اناسى جۇمىستا بولىپتى. ٶرتتٸڭ شىعۋ سەبەپتەرٸن قۇزىرلى ورگاندار ٶتە مۇقييات تەكسەرٸپ, ناقتى اقپارات بەرەدٸ دەپ سەنەمٸز. ٶتە قايعىلى جاعداي, بالالارىمىزعا, ولاردىڭ ٶمٸرٸنە ساق بولايىق", - دەدٸ اباەۆ بريفينگتٸ باستاماس بۇرىن.
ول استانا ەكٸمدٸگٸ جەرلەۋ رەسٸمٸن ۇيىمداستىرۋ شارالار ٶز موينىنا العانىن اتاپ ٶتتٸ.
"اتا-انالارعا پسيحولوگتار كٶمەك كٶرسەتۋدە. ەكٸمدٸك بارلىق قاجەتتٸ جۇمىستى جٷرگٸزٸپ جاتىر", - دەدٸ مينيستر.
جۋرناليستەر ەلەۋمەتتٸك جەلٸلەردە حالىق قايعىلى جاعدايعا بايلانىستى قارالى كٷن جارييالاۋدى ۇسىنعانىن ايتتى.
"قارالى كٷن جارييالاۋ بويىنشا ٶزٸنٸڭ كريتەرييلەرٸ بار. ەگەر سول كريتەرييلەر بولسا, ونى ارنايى كوميسسييا شەشەدٸ. بۇل بٸزدٸڭ قولىمىزدا ەمەس", - دەپ قىسقا قايىردى مينيستر.
ەسكە سالا كەتەيٸك, 4 اقپان كٷنٸ تٷنٸندە ەلوردانىڭ سارىارقا اۋدانىنداعى كٶكتال-1 تۇرعىن الابىندا ٶرت شىقتى. ٶرتتٸ سٶندٸرۋ بارىسىندا 2006, 2008, 2014, 2016, 2018 جىلى دٷنيەگە كەلگەن 5 بالانىڭ دەنەسٸ تابىلدى. ەڭ كٸشٸسٸ نەبەرٸ ٷش ايلىق سەبي ەدٸ.
سونىمەن قاتار, بٷگٸن استانا ەكٸمٸ باقىت سۇلتانوۆ بەس بالانىڭ ٶرتتەن كٶز جۇمۋىنىڭ سەبەپ-سالدارىن انىقتاۋدى تالاپ ەتتٸ.
ٶرت سالدارىنان زارداپ شەككەن بۇل وتباسى باسپانا كەزەگٸندە تۇرماعان.
