قازٸرگٸ كەزدە مەملەكەتتٸك ورگاندار مەن بانكتەر «7-20-25» باعدارلاماسىن پىسىقتاپ جاتىر. دەگەنمەن, ۇلتتىق بانك ارزان يپوتەكانى بەرۋ مەرزٸمٸن بەلگٸلەپ قويدى, دەپ حابارلايدى قازاقپارات تٸلشٸسٸ.
«7 پايىزدىق يپوتەكانى بەرۋ جۇمىستارى شامامەن جىلدىڭ ورتاسىندا باستالادى. ماۋسىم ايىنىڭ اياعىنا دەيٸن بارلىق قۇقىقتىق-ۇيىمداستىرۋشىلىق شارالارىن اياقتايمىز دەگەن جوسپار بار. سودان شٸلدە-تامىز ايلارىندا بانكتەر ارزان يپوتەكانى بەرۋدٸ باستايدى», - دەدٸ ۇلتتىق بانك تٶراعاسىنىڭ ورىنباسارى ولەگ سمولياكوۆ قازاقپارات تٸلشٸسٸنە بەرگەن سۇxباتىندا.
ونىڭ ايتۋىنشا, جاڭا باعدارلاما اياسىندا جاڭادان قۇرىلاتىن كومپانييا بانكتەردەن يپوتەكالىق نەسيەلەردٸ ساتىپ الادى دا, جىلدىق مٶلشەرلەمەنٸ 7 پايىزعا دەيٸن تٷسٸرەدٸ. ال نەسيەنٸ العان ازاماتتتار بارلىق تٶلەمدەرٸن بانككە جاساي بەرەدٸ.
«يپوتەكالىق نەسيەلەردٸڭ العاشقى پۋلى جاسالعان بويدا بٸز ونىڭ بارلىعىن ساتىپ الۋعا كٸرٸسەمٸز. ەرينە, ەر ادامنىڭ تٶلەم قابٸلەتتٸلٸگٸنە باسا نازار اۋدارىلادى. ەندٸ, مەملەكەتتٸك باعدارالامالاردا ەسكەريلەر, ەلەۋمەتتٸك جاعىنان از قامتىلعان ازاماتتار جەنە تاعى باسقا ساناتتار بار. جاڭا باعدارلامادا ونداي كاتەگورييالار بولمايدى. بٸز بارلىق زاەمدارمەن جۇمىس ٸستەيتٸن بولامىز», - دەپ اتاپ كٶرسەتتٸ و.سمولياكوۆ.
باس بانكيردٸڭ ورىنباسارى «7-20-25» باعدارلاماسى اياسىندا قۇرىلاتىن جاڭا كومپانييا مەن «نۇرلى جەردە» وتىرعان قازاقستاننىڭ يپوتەكالىق كومپانيياسىنىڭ ايىرماشىلىعىن دا جەتكٸزدٸ. ونىڭ ايتۋىنشا, قيك يپوتەكالىق زاەمداردى سۋبسيدييالايدى. ال جاڭا قۇرىلاتىن كومپانييا ول نەسيەلەردٸ ساتىپ الاتىن بولادى.
ايتا كەتەيٸك, ٷكٸمەتتٸڭ بٷگٸنگٸ وتىرىسىندا ۇلتتىق بانكتٸڭ تٶراعاسى دانييار اقىشەۆ «7-20-25» باعدارلاماسىنىڭ جوباسىن تانىستىردى. باس بانكير 7 پايىزدىق يپوتەكانىڭ باستى تالابىن دا جارييالادى.
