2020 جىلدىڭ 7 ايىندا ەلەكترتەحنيكالىق ماشينا جاساۋ ٶندٸرٸسٸنٸڭ كٶلەمٸ 11 پايىزعا ارتتى. بۇل تۋرالى قازاقستان ماشينا جاساۋشىلارىنىڭ VIII فورۋمىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«ەلەكترتەحنيكالىق ماشينا جاساۋ سالاسىندا دا ايتارلىقتاي ٸلگەرٸلەۋشٸلٸك ورىن الىپ, 10 جىلدىڭ ٸشٸندە ٶندٸرٸس 3 ەسەگە, ەكسپورت 4 ەسەگە ارتتى. وقشاۋلاۋدىڭ ورتاشا دەڭگەيٸ 75 پايىزعا جەتتٸ. تەك 2019 جىلى عانا 5 ملرد تەڭگەگە 34 ملن مەتر تالشىقتى-وپتيكالىق كابەل شىعارىلدى. تولىقتاي العاندا, 7 ايدىڭ ٸشٸندە ەلەكترتەحنيكالىق ماشينا جاساۋ ٶندٸرٸسٸنٸڭ كٶلەمٸ 11 پايىزعا ارتىپ, 101,4 ملرد تەڭگەنٸ قۇرادى», - دەدٸ مينيستر.
ونىڭ ايتۋىنشا, بيىل وتاندىق اككۋمۋلياتورلار بٸرٸككەن اراب ەمٸرلٸكتەرٸ مەن يتالييا نارىعىنا شىعارىلادى. جالپى بۇل ٶنٸم تٷرٸ قازٸرگٸ ۋاقىتتا رەسەي, بەلارۋس, ٶزبەكستان, قىرعىزستان, قىتاي, گەرمانييا ەلدەرٸنە جەتكٸزٸلٸپ وتىر. بٷگٸندە ٸشكٸ نارىقتىڭ اككۋمۋلياتورعا قاجەتتٸلٸگٸ 65 پايىزعا قامتاماسىز ەتٸلەدٸ. ال ٸشكٸ نارىقتىڭ ترانسفورماتورلارعا قاجەتتٸلٸگٸ 85 پايىزعا قامتاماسىز ەتٸلگەن.
«الداعى ۋاقىتتا پەتروپاۆل قالاسىندا 5-شٸ ترانسفورماتور زاۋىتى ٸسكە قوسىلعاننان كەيٸن جىلىنا 10 مىڭ اتالعان ٶنٸم شىعارىلاتىن بولادى. سول كەزدە ٸشكٸ نارىق ترانسفورماتورلارمەن قامتىلادى», - دەدٸ بەيبٸت اتامقۇلوۆ.
