«7-20-25» باعدارلاماسىنا بيۋدجەتتەن بٶلٸنگەن 1 ترلن تەڭگەنٸڭ 36,2%-ى يگەرٸلگەن. بۇل تۋرالى قر ۇلتتىق بانكٸنٸڭ باسپاسٶز قىزمەتٸ «قازاقپارات» حالىقارالىق اقپارات اگەنتتٸگٸنٸڭ ساۋالىنا ماماندارى بەرگەن جاۋابىندا ايتتى.
«7–20–25» باعدارلاماسى بويىنشا كرەديتتەۋدٸڭ ينديكاتيۆتٸك كٶلەمٸ 1 ترلن تەڭگە مٶلشەرٸندە ايقىندالدى. باعدارلاما نەسيەگە بٶلٸنگەن قارجى تولىق يگەرٸلگەنشە جالعاسادى. باعدارلاما ٸسكە قوسىلعاننان بەرٸ 367 ملرد تەڭگەنٸڭ نەسيەسٸ بەرٸلدٸ. سونىڭ ارقاسىندا 30 مىڭنان استام وتباسى جەكە باسپاناعا يە بولدى. وسىلايشا, بٷگٸنگٸ تاڭدا باعدارلامانىڭ نىسانالى كٶرسەتكٸشٸنٸڭ 36,2%-ى يگەرٸلدٸ», - دەپ جازىلعان جاۋاپتا.
بانكتٸڭ باپاسٶز قىزمەتٸنٸڭ مەلٸمەتٸ بويىنشا, 2018 جىلدان باستاپ 2021 جىلدىڭ شٸلدەسٸنە دەيٸن جەكە قۇرىلىس سالۋشىلار 290 873 تۇرعىن ٷي سالعان. سونىڭ تەك 10,3%-ى «7–20–25» باعدارلاماسى بويىنشا ساتىپ الىنعان.
«سالىنعان تۇرعىن ٷيدٸڭ شامامەن 80%-ىن حالىق قۇرىلىس كەزەڭٸندە ساتىپ الاتىنىن, سونداي-اق تۇرعىن ٷيدٸ نارىقتا ٶتكٸزۋدٸڭ جالپى كٶلەمٸندەگٸ باعدارلامانىڭ ٷلەس سالماعىن ەسكەرسەك, نىسانالى كٶرسەتكٸشكە قول جەتكٸزۋ ۇزاق ۋاقىتتى تالاپ ەتەدٸ», - دەپ جازادى ۇلتتىق بانك ماماندارى.
