25 شٸلدەدە قازاقستاندا 6637 ادامنىڭ اناليزٸنەن كوروناۆيرۋس انىقتالدى. ەلدە كوروناۆيرۋس كٶرسەتكٸشٸ ٷزدٸكسٸز ٶسٸپ جاتىر. بٸر كٷن بۇرىن 6631 ادامنىڭ كوروناۆيرۋس تەستٸ وڭ شىققان. بىلتىردان بەرٸ بٸر كٷندە وسىنشا كٶپ ناۋقاس تٸركەلمەگەن.
ەلدە كوروناۆيرۋسپەن بايلانىستى ادام ٶلٸمٸ كٶرسەتكٸشٸ دە جوعارى. ەكٸ كٷن بۇرىن 90 ادام Covid-تەن قايتىس بولعان: 70 ادام – كوروناۆيرۋستان, 20 ادام كوروناۆيرۋس پنەۆمونيياسىنان قايتىس بولعان.
ەلدە ۆيرۋس كٷشەيدٸ. رەسمي مەلٸمەت بويىنشا, ماۋسىم ايىمەن سالىستىرعاندا شٸلدەنٸڭ سوڭعى ەكٸ اپتاسىندا كوروناۆيرۋس جۇقتىرعاندار 4,8 ەسە ٶسكەن. بيلٸك ۆيرۋستىڭ كٷشەيۋٸن كوروناۆيرۋستىڭ دەلتا ۆاريانتىمەن بايلانىستىرادى. ول ۆيرۋستىڭ كەدٸمگٸ تٷرٸنە قاراعاندا جىلدام تارايدى, اۋرۋدىڭ اسقىنۋى دا تەز.
ٸندەت ەسٸرەسە, نۇر-سۇلتان مەن الماتى, شىمكەنت قالالارىندا, قاراعاندى وبلىسىندا ٶرشٸگەن. ٶتكەن تەۋلٸكتە نۇر-سۇلتاندا 1510 ادامنان كوروناۆيرۋس انىقتالدى. الماتىدا – 1219, قاراعاندى وبلىسىندا – 781, شىمكەنتتە 520 ناۋقاس تٸركەلگەن. قالعان وبلىستار مەن قالالاردا بٸر تەۋلٸكتە انىقتالعان ناۋقاستار 500-گە جەتپەيدٸ. 25 شٸلدەدە ەڭ تٶمەن كٶرسەتكٸش سولتٷستٸك قازاقستان وبلىسىندا (133) تٸركەلدٸ.
ٸندەت باستالعالى بەرٸ 535 مىڭنان استام ادامنىڭ كوروناۆيرۋس تەستٸ وڭ شىققان. بۇدان بٶلەك, پتر تەستٸ تەرٸس نەتيجە كٶرسەتٸپ, بٸراق اۋرۋ بەلگٸلەرٸ كوروناۆيرۋستىكٸنە ۇقسايتىن پنەۆمونييا ەسەبٸ بار. ٷكٸمەت بۇل ەسەپتٸ بىلتىر 1 تامىزدا باستاعان. سودان بەرٸ پنەۆمونييانىڭ بۇل تٷرٸنە 59 مىڭنان استام ادام شالدىققان. 24 شٸلدەدە 84 ادامعا كوروناۆيرۋس پنەۆمونيياسى دياگنوزى قويىلدى.
2020 جىلدىڭ ناۋرىز ايىنان بەرٸ 5452 ادام كوروناۆيرۋستان قايتىس بولدى دەپ ايتىلادى. تامىز ايىنان بەرٸ كوروناۆيرۋس پنەۆمونيياسى 3625 ادامنىڭ ٶلٸمٸنە سەبەپ بولعان.
كەي ساراپشىلار كوروناۆيرۋس بويىنشا رەسمي مەلٸمەت تىم تٶمەندەتٸلگەن, شىن مەنٸندە ۆيرۋس جۇقتىرعاندار مەن ودان قايتىس بولعاندار ەلدەقايدا كٶپ دەپ سانايدى.
26 شٸلدەدەگٸ مەلٸمەت بويىنشا قازاقستاندا 83 084 ادام كوروناۆيرۋس ينفەكتسيياسىنان (81 077 كۆي+ جەنە 2007 كۆي-) ەمدەلٸپ جاتىر.
ەمدەلٸپ جاتقانداردىڭ ٸشٸندە 23 868 پاتسيەنت ستاتسيوناردا, 59 216 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
• 1444 ادامنىڭ جاعدايى اۋىر,
• 304 پاتسيەنتتٸڭ جاعدايى ٶتە اۋىر,
• 183 ناۋقاس جاساندى تىنى الۋ اپپاراتىندا اپپاراتىندا جاتىر.
قازاقستاندا اقپان ايىنان بەرٸ حالىققا كوروناۆيرۋسقا قارسى ۆاكتسينا سالىنىپ جاتىر. سودان بەرٸ 5,1 ميلليون ادام ۆاكتسينانىڭ بٸرٸنشٸ دوزاسىن العان. ەكپەنٸڭ تولىق دوزاسىن العاندار 3,2 ميلليوننان استى.
ەلدە رەسەيلٸك "سپۋتنيك V", قازاقستاندىق QazVac, قىتايلىق Hayat-Vax جەنە CoronaVac ەكپەلەرٸن سالادى.
