6 سەۋٸردەن باستاپ قازاقستاندىق مەكتەپتەر قاشىقتان وقىتۋعا كٶشەدٸ. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ بريفينگتە قر اقپارات جەنە قوعامدىق دامۋ مينيسترٸ دەۋرەن اباەۆ ايتتى, دەپ حابارلايدى قازاقپارات.
«2020 جىلدىڭ 6 سەۋٸرٸنەن باستاپ قازاقستاندىق مەكتەپتەر قاشىقتان وقىتۋعا كٶشەدٸ. قازٸر بٸلٸم جەنە عىلىم مينيسترلٸگٸ ۇيىمداستىرۋ تەتٸكتەرٸن پىسىقتاۋدا. بۇل جٶنٸندەگٸ بارلىق جاڭالىقتاردى جاقىن ۋاقىتتا حابارلايمىز. سوندىقتان تٷسٸنٸستٸك تانىتىپ, رەسمي مەلٸمدەمەنٸ كٷتۋدٸ سۇرايمىز. قازٸر مەكتەپتەر مەن مۇعالٸمدەردٸ سۇراقتىڭ استىنا الىپ, ايىپتاۋدىڭ رەتٸ جوق. بۇل مەسەلە ٷكٸمەتتٸڭ قۇزٸرەتٸندە. بٸز بارلىعىن الدىنا الا حابارلايمىز», - دەدٸ دەۋرەن اباەۆ.
ونىڭ اتاپ ٶتۋٸنشە, وسىعان وراي قوسىمشا شارا رەتٸندە «ەلارنا» مەن «بالاپان» تەلە ارنالارىنان وقۋشىلارعا ارنالعان ۆيدەو ساباقتار كٶرسەتٸلەدٸ.
«بٸراق, بۇل نەگٸزگٸ ەمەس, قوسىمشا شارا. وسىنى قايتالاپ ايتقىم كەلەدٸ. اتالعان ۆيدەو ساباقتاردى بٸلٸم جەنە عىلىم مينيسترلٸگٸ دايىنداعان. ولار «بالاپان» تەلەارناسىندا قازاق تٸلٸندە, ال «ەلارنادا» ورىس تٸلٸندە كٶرسەتٸلەدٸ», - دەدٸ مينيستر.
