ٶتكەن اپتادا 56 مەملەكەتتە كوروناۆيرۋستان ٶلٸم-جٸتٸم 10% استامعا ارتقان. بۇل تۋرالى قازاقستاندا كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ Telegram-كانالىندا مەلٸم ەتٸلدٸ, دەپ حابارلايدى قازاقپارات.
ۇلىبريتانييادا كوروناۆيرۋستىڭ تارالۋ قارقىنى ارتىپ كەلەدٸ. زەرتتەۋ ماتەريالدارىنا سەيكەس 2020 جىلدىڭ مامىر ايىنان باستاپ ەڭ جوعارى كٶرسەتكٸش تٸركەلدٸ. ٶتكەن تەۋلٸكتە SARS-CoV-2 ٸندەتٸنٸڭ 41 299 تاسىمالداۋشىسى انىقتالدى. ەل ٷكٸمەتٸنٸڭ مەلٸمەتٸ بويىنشا ناۋقاستاردىڭ جالپى سانى 9 171 660-قا جەتتٸ. ال ۇلىبريتانييادا سوڭعى 24 ساعات ٸشٸندە 214 ناۋقاس قايتىس بولدى, ەپيدەمييادان زارداپ شەككەندەردٸڭ جالپى سانى 141 181-دەن اسىپ جىعىلدى. قازٸرگٸ ۋاقىتتا ۆيرۋسقا قارسى ەكپەنٸڭ بٸرٸنشٸ كومپونەنتٸمەن 50 071 683 ادام ۆاكتسينالاندى نەمەسە ەل حالقىنىڭ 73,8 %, ال 45 752 487 بريتاندىق, ياعني 67,4% تولىق ۆاكتسيناتسييا كۋرسىنان ٶتتٸ.
دٷنيەجٷزٸلٸك دەنساۋلىق ساقتاۋ ۇيىمى ٶلٸم-جٸتٸمنٸڭ جوعارىلاۋىنا جەنە كوروناۆيرۋس ينفەكتسيياسىنىڭ تارالۋىنا الاڭداۋشىلىق بٸلدٸرەدٸ. ددسۇ باسشىسى تەدروس گەبرەيەسۋس 50-دەن استام ەلدە كوروناۆيرۋستان قايتىس بولۋ دەرەكتەرٸنٸڭ كٷرت ٶسكەنٸن مەلٸمدەدٸ. «ٶتكەن اپتادا بارلىق ٶڭٸردەگٸ 56 ەل COVID-19 سالدارىنان ٶلٸم-جٸتٸمنٸڭ 10% استامعا ٶسكەنٸن حابارلادى», - دەدٸ گەبرەيەسۋس.
ددسۇ باسشىسىنىڭ ايتۋىنشا, اپتا سايىنعى ٶلٸم-جٸتٸم 50 مىڭنان استام ادامدى قۇرايدى. وسىعان بايلانىستى گەبرەيەسۋس ددسۇ شۇعىل قولدانۋ ٷشٸن ۇسىنعان دامىعان ەلدەر مەن ۆاكتسينا ٶندٸرۋشٸلەرٸن COVAX حالىقارالىق باعدارلاماسىنا بەلسەندٸ قاتىسۋعا جەنە ۆاكتسينالاردى ساتىپ الۋ ٷشٸن افريكالىق جۇمىس توبىنا دەرٸ-دەرمەكتەردٸ جٸبەرۋگە شاقىردى.
