Ótken aptada 56 memlekette koronavirýstan ólim-jitim 10% astamǵa artqan. Bul týraly Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram-kanalynda málim etildi, dep habarlaidy QazAqparat.
Ulybritaniiada koronavirýstyń taralý qarqyny artyp keledi. Zertteý materialdaryna sáikes 2020 jyldyń mamyr aiynan bastap eń joǵary kórsetkish tirkeldi. Ótken táýlikte SARS-CoV-2 indetiniń 41 299 tasymaldaýshysy anyqtaldy. El Úkimetiniń málimeti boiynsha naýqastardyń jalpy sany 9 171 660-qa jetti. Al Ulybritaniiada sońǵy 24 saǵat ishinde 214 naýqas qaitys boldy, epidemiiadan zardap shekkenderdiń jalpy sany 141 181-den asyp jyǵyldy. Qazirgi ýaqytta virýsqa qarsy ekpeniń birinshi komponentimen 50 071 683 adam vaktsinalandy nemese el halqynyń 73,8 %, al 45 752 487 britandyq, iaǵni 67,4% tolyq vaktsinatsiia kýrsynan ótti.
Dúniejúzilik densaýlyq saqtaý uiymy ólim-jitimniń joǵarylaýyna jáne koronavirýs infektsiiasynyń taralýyna alańdaýshylyq bildiredi. DDSU basshysy Tedros Gebreiesýs 50-den astam elde koronavirýstan qaitys bolý derekteriniń kúrt óskenin málimdedi. «Ótken aptada barlyq óńirdegi 56 el COVID-19 saldarynan ólim-jitimniń 10% astamǵa óskenin habarlady», - dedi Gebreiesýs.
DDSU basshysynyń aitýynsha, apta saiynǵy ólim-jitim 50 myńnan astam adamdy quraidy. Osyǵan bailanysty Gebreiesýs DDSU shuǵyl qoldaný úshin usynǵan damyǵan elder men vaktsina óndirýshilerin COVAX halyqaralyq baǵdarlamasyna belsendi qatysýǵa jáne vaktsinalardy satyp alý úshin afrikalyq jumys tobyna dári-dármekterdi jiberýge shaqyrdy.
