قازاقستان رەسپۋبليكاسى ٸشكٸ ٸستەر مينيسترلٸگٸ مۇناي ٶنٸمدەرٸ مەن جانار-جاعارمايدى ەل اۋماعىنان زاڭسىز شىعارۋعا قارسى كٷرەستٸ كٷشەيتتٸ. ۆەدومستۆو مەلٸمەتٸنشە, سوڭعى بٸر ايدىڭ ٶزٸندە شامامەن 12 توننا جانارمايدى زاڭسىز ەكەتۋ ەرەكەتٸنٸڭ جولى كەسٸلگەن, دەپ حابارلايدى ult.kz.
Polisia.kz جازۋىنشا, قازٸرگٸ ۋاقىتتا مەملەكەتتٸك شەكاراداعى 48 اۆتوكٶلٸك ٶتكٸزۋ پۋنكتٸندە پاترۋلدٸك پوليتسييانىڭ 59 بەكەتٸ جۇمىس ٸستەپ تۇر. پوليتسييا قىزمەتكەرلەرٸ كٶلەمٸ ۇلعايتىلعان جانارماي باكتارىمەن جابدىقتالعان كٶلٸكتەردٸ انىقتاپ, ولاردىڭ زاڭسىز ەرەكەتتەرٸنە توسقاۋىل قويۋدا.
ٸٸم ەسٸرەسە شەكارا ماڭىندا ورنالاسقان جامبىل, تٷركٸستان جەنە ماڭعىستاۋ وبلىستارىنا ەرەكشە نازار اۋدارىپ وتىر. بۇل ٶڭٸرلەردە قايتا جابدىقتالعان كٶلٸكتەردٸ انىقتاۋ جەنە زاڭسىز جانارماي تاسىمالىنىڭ الدىن الۋ بويىنشا قوسىمشا شارالار قابىلدانعان.
سونىمەن قاتار قۇقىق قورعاۋ ورگاندارى كٶلٸكتەرگە قوسىمشا جانارماي باكتارىن ورناتۋمەن اينالىساتىن تەحنيكالىق قىزمەت كٶرسەتۋ ستانتسييالارىن تەكسەرۋدە. مەسەلەن, قورداي اۋىلىندا پوليتسييا مەن مەملەكەتتٸك كٸرٸستەر ورگاندارىنىڭ قىزمەتكەرلەرٸ بٸرلەسٸپ 16 تەحنيكالىق قىزمەت كٶرسەتۋ ستانتسيياسىنا تەكسەرۋ جٷرگٸزگەن. نەتيجەسٸندە التى نىسان يەسٸنە قاتىستى ەكٸمشٸلٸك ماتەريالدار رەسٸمدەلدٸ.
ٸٸم مەلٸمەتٸنشە, سوڭعى ايدا قايتا جابدىقتالعان جانارماي باكتارى بار 54 اۆتوكٶلٸك انىقتالىپ, ولاردىڭ يەلەرٸ ەكٸمشٸلٸك جاۋاپكەرشٸلٸككە تارتىلعان.
ۆەدومستۆو مۇناي ٶنٸمدەرٸ مەن جانار-جاعارمايدىڭ زاڭسىز تاسىمالىنا قارسى كٷرەس جالعاساتىنىن جەنە بۇل مەسەلە مينيستردٸڭ تۇراقتى باقىلاۋىندا ەكەنٸن اتاپ ٶتتٸ.
