20 قىركٷيەكتە يران يسلام رەسپۋبليكاسىنان 53 قانداسىمىز نۇر-سۇلتان قالاسىنا جەتتٸ, دەپ حابارلايدى "ۇلت اقپارات".
اتاجۇرتقا ورالعان قانداستارىمىزدى اقپارات جەنە قوعامدىق دامۋ مينيسترلٸگٸ, دٷنيە جٷزٸ قازاقتارىنىڭ قاۋىمداستىعى مەن "وتانداستار قورى" كەاق ٶكٸلدەرٸ كٷتٸپ الدى.
قانداستارىمىز ٷشٸن كٷتٸپ الۋ ٸس-شاراسى ۇيىمداستىرىلىپ, نۇر-سۇلتان قالاسىنىڭ كٶرٸكتٸ جەرلەرٸنە ەكسكۋرسييا ٶتكٸزٸلٸپ, ارنايى اس بەرٸلدٸ.
ەندٸ يراننان كەلگەن قانداستار مەملەكەت ۇسىناتىن ٶڭٸرلٸك كۆوتا اياسىندا سولتٷستٸك قازاقستان وبلىسىنا قونىستانادى.
ەسكە سالا كەتەيٸك, بۇعان دەيٸن 14 قىركٷيەكتە قازاقستانعا قونىس اۋدارۋشىلاردىڭ العاشقى لەگٸ كەلگەن ەدٸ. بارلىق 13 ادامدى (3 وتباسى) «وتانداستار قورى» كەاق ٶكٸلدەرٸ كٷتٸپ الىپ, سولتٷستٸك قازاقستان وبلىسىنا شىعارىپ سالدى.
اتالمىش كٶش قر سىرتقى ٸستەر مينيسترلٸگٸ, ەلٸمٸزدٸڭ يرانداعى ەلشٸلٸگٸ جەنە گورگان قالاسىنداعى باس كونسۋلدىعى مەن دٷنيەجٷزٸ قازاقتارىنىڭ قاۋىمداستىعى جەنە «وتانداستار قورى» كەاق ۇيىمداستىرۋىمەن, ماڭعىستاۋ جەنە سولتٷستٸك قازاقستان وبلىستارى ەكٸمدٸكتەرٸنٸڭ قولداۋىمەن جٷزەگە اسىرىلۋدا.
