20 qyrkúiekte Iran Islam Respýblikasynan 53 qandasymyz Nur-Sultan qalasyna jetti, dep habarlaidy "Ult aqparat".
Atajurtqa oralǵan qandastarymyzdy Aqparat jáne qoǵamdyq damý ministrligi, Dúnie júzi qazaqtarynyń qaýymdastyǵy men "Otandastar qory" KEAQ ókilderi kútip aldy.
Qandastarymyz úshin kútip alý is-sharasy uiymdastyrylyp, Nur-Sultan qalasynyń kórikti jerlerine ekskýrsiia ótkizilip, arnaiy as berildi.
Endi Irannan kelgen qandastar memleket usynatyn óńirlik kvota aiasynda Soltústik Qazaqstan oblysyna qonystanady.
Eske sala keteiik, buǵan deiin 14 qyrkúiekte Qazaqstanǵa qonys aýdarýshylardyń alǵashqy legi kelgen edi. Barlyq 13 adamdy (3 otbasy) «Otandastar qory» KEAQ ókilderi kútip alyp, Soltústik Qazaqstan oblysyna shyǵaryp saldy.
Atalmysh kósh QR Syrtqy ister ministrligi, Elimizdiń Irandaǵy Elshiligi jáne Gorgan qalasyndaǵy Bas konsýldyǵy men Dúniejúzi qazaqtarynyń qaýymdastyǵy jáne «Otandastar Qory» KEAQ uiymdastyrýymen, Mańǵystaý jáne Soltústik Qazaqstan oblystary ákimdikteriniń qoldaýymen júzege asyrylýda.
