قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن ٶتكەن ۆەدومستۆوارالىق كوميسسييانىڭ وتىرىسىندا ەلٸمٸزدەگٸ جالپى بٸلٸم بەرۋ مەكتەپتەرٸندە سانيتارلىق نورمالاردىڭ ساقتالۋى تالقىلاندى, دەپ حابارلايدى "ۇلت اقپارات".
قر دەنساۋلىق ساقتاۋ ۆيتسە-مينيسترٸ – قر باس مەملەكەتتٸك سانيتارلىق دەرٸگەرٸ ەرلان قيياسوۆ وقۋ جىلىنىڭ باسىنان بەرٸ مەكتەپتەردە جٷرگٸزٸلگەن تەكسەرۋ مونيتورينگٸنٸڭ قورىتىندىسىن باياندادى. مەسەلەن, 697 مەكتەپتٸڭ 134-ٸندە سانيتارلىق نورمالار بۇزىلعانى انىقتالعان. بۇل رەتتە, بۇزۋشىلىقتاردىڭ نەگٸزگٸ بٶلٸگٸ اۋىلدىق مەكتەپتەردە انىقتالعان.
تەكسەرۋ كەزٸندە, كٶپتەگەن مەكتەپتەردە پايدالانىلعان جەكە قورعانىس قۇرالدارىن جيناۋعا جەنە جويۋعا ارنالعان ارنايى قوقىس جەشٸكتەرٸنٸڭ جەنە مەكتەپ ٸشٸندە جٷرۋ كەزٸندە ارا قاشىقتىقتى ساقتاۋدى قامتاماسىز ەتەتٸن بەلگٸلەردٸڭ بولماعانى انىقتالدى. سونداي-اق, قىزمەتكەرلەردٸڭ بەتپەردە رەجيمٸن ساقتاماۋ فاكتٸلەرٸ انىقتالدى.
مىسالعا, ورال قالاسىنداعى № 46 مەكتەپتە, نۇر-سۇلتان قالاسىنداعى № 55 ورتا مەكتەپتە جەنە سولتٷستٸك قازاقستان وبلىسىنداعى №2 بەسكٶل ورتا مەكتەبٸندە, پاۆلودار وبلىسىنىڭ جاڭاتٸلەك اۋىلىنداعى حايداروۆ اتىنداعى مەكتەپتە, باياناۋىل اۋدانىنداعى ۋىنبۇلاق ورتا مەكتەبٸندە مۇعالٸمدەر مەن وقۋشىلارعا تەرمومەترييا جٷرگٸزٸلمەگەن.
سونداي-اق, 33 مەكتەپتە سانيتايزەرلەردٸڭ جەتٸسپەۋشٸلٸگٸ مەن جەتكٸلٸكسٸز مٶلشەردە ەكەندٸگٸ انىقتالدى.
اقمولا وبلىسىنىڭ ەكٸ مەكتەبٸ (ماكينسك قالاسى № 5 وم جەنە ششۋچينسك قالاسى № 1 وم), ماڭعىستاۋ وبلىسىنىڭ اقتاۋ قالاسىنداعى «جايساڭ بالا» جەنە «Zere» جەكەمەنشٸك مەكتەپتەرٸندە مەديتسينا قىزمەتكەرٸ جوق.
الماتى قالاسىندا, اقتٶبە, اقمولا, شىعىس قازاقستان, باتىس قازاقستان, قوستاناي جەنە ماڭعىستاۋ وبلىستارىندا 29 مەكتەپتە باكتەريتسيدتٸ شامدار (كۆارتستى) بولماعان.
15 مەكتەپتٸڭ كٸرەبەرٸسٸندە ارا قاشىقتىقتى ساقتاۋدى قامتاماسىز ەتۋ بەلگٸلەرٸ جوق (نۇر-سۇلتان, الماتى قالالارى, اقمولا, پاۆلودار, جامبىل, ماڭعىستاۋ, سقو جەنە قاراعاندى وبلىستارى).
قوستاناي وبلىسىندا باكتەريتسيدتٸ شامدار مەن دەزينفەكتسييالىق كٸلەمشەلەردٸڭ بولماۋى بويىنشا بٸرقاتار بۇزۋشىلىقتار انىقتالدى: قارابالىق اۋدانىنىڭ توعىز مەكتەبٸندە, مايلين اۋدانىنىڭ تٶرت مەكتەبٸندە جەنە التىنسارين اۋدانىنىڭ 11 مەكتەبٸندە.
جيىن قورىتىندىسى بويىنشا پرەمەر-مينيستردٸڭ ورىنباسارى ەكٸمدەرگە بۇزۋشىلىقتاردى جويۋ بويىنشا شارالار قابىلداۋدى تاپسىردى.
بيىلعى وقۋ جىلىنىڭ ەكٸنشٸ توقسانىندا مەكتەپتەردٸڭ قىزمەتٸن قايتا باستاۋ تۋرالى شەشٸم قابىلداۋ كەزٸندە مەكتەپتەردٸڭ دايىندىق جاعدايىن باعالاۋ ەسكەرٸلەتٸن بولادى.
اعىمداعى جىلدىڭ 5 قازانىنان باستاپ جالپى بٸلٸم بەرۋ مەكتەپتەرٸن ەرەكشە تەرتٸپ بويىنشا جاپپاي تەكسەرۋ جۇمىستارىنىڭ باستالاتىنىن اتاپ ٶتۋ قاجەت.
