گەرمانييالىق BioNTech كومپانيياسى مەن ونىڭ امەريكالىق ەرٸپتەسٸ Pfizer ٶندٸرگەن 5-11 جاس ارالىعىنداعى بالالارعا ارنالعان كوروناۆيرۋسقا قارسى ۆاكتسينا بٸرنەشە اپتانىڭ ٸشٸندە پايدالانۋعا بەرٸلۋٸ مٷمكٸن. بۇل تۋرالى Der Spiegel باسىلىمىنا جۇما كٷنٸ BioNTech مەديتسينالىق زەرتتەۋلەر جٶنٸندەگٸ ديرەكتورى ٶزلەم تيۋرەچي مەلٸم ەتتٸ, دەپ حابارلايدى قازاقپارات تاسس اگەنتتٸگٸنە سٸلتەمە جاساپ.
«جاقىن اپتالاردا بٸز 5-11 جاس ارالىعىنداعى بالالارعا جٷرگٸزٸلگەن زەرتتەۋ نەتيجەسٸن ەلەم بيلٸگٸنە ۇسىنامىز, سونىمەن قاتار وسى جاس ساناتى ٷشٸن ۆاكتسينانى ماقۇلداۋعا ٶتٸنٸش بەرەمٸز. اتاپ ايتقاندا, ەۋروپادا. بٸز قازٸردٸڭ ٶزٸندە ٶندٸرٸسكە دايىندالىپ جاتىرمىز», - دەدٸ تيۋرەچي.
وعان قوسا, تيۋرەچي پرەپاراتتىڭ ەرەسەكتەرگە ارنالعان تٷرٸنەن ەش ايىرماسى جوق ەكەنٸن, تەك بالالارعا ارنالعان ۆاكتسينا دوزاسىنىڭ كٸشكەنتاي بولاتىنىن اتاپ ٶتتٸ.
ٶز كەزەگٸندە BioNTech-تٸڭ ورتاق قۇرىلتايشىسى, باس ديرەكتورى ۋگۋر شاحين قازٸرگٸ كەزدە زەرتتەۋ نەتيجەسٸنٸڭ دايىن ەكەنٸن جەنە بيلٸكتٸڭ بەكٸتۋٸ ٷشٸن قادام جاساۋ كەرەك ەكەنٸن مەلٸمدەدٸ.
«بەرٸ جوسپارلاعانىمىزداي كەلە جاتىر», - دەدٸ شاحين.
سونىمەن قاتار ول جىلدىڭ سوڭىندا التى ايدان اسقان بالالار اراسىنداعى زەرتتەۋلەر نەتيجەسٸ دايىن بولاتىنى ايتىلدى.
مامىردىڭ سوڭىندا ەۋروپا دەرٸ-دەرمەك اگەنتتٸگٸ Pfizer مەن BioNTech بٸرٸگٸپ ٶندٸرگەن كوروناۆيرۋسقا قارسى Comirnaty ۆاكتسيناسىن 12-15 جاسار جاسٶسپٸرٸمدەر اراسىندا پايدالانۋعا رۇقسات بەردٸ.
وسىلايشا, بۇل پرەپارات - وسى جاس ساناتىنداعى ادامدار اراسىندا قولدانۋعا رۇقسات ەتٸلگەن كوروناۆيرۋسقا قارسى بٸرٸنشٸ ۆاكتسينا بولىپ وتىر.
