ۇلتتىق ستاتيستيكا بيۋروسى اپتا باسىندا ەلدە ورتاشا جالاقى مٶلشەرٸ 275 مىڭ تەڭگەگە جەتكەنٸن حابارلادى. ستاتيستيكاعا قاراعاندا جۇمىسشىلاردىڭ ايلىق تابىسى اناعۇرلىم ٶسكەن. الايدا بۇقارا بۇل ساندارعا سەنبەيدٸ. ٶتكەن اپتادا مەجٸلٸس دەپۋتاتى دا بۇلارعا شٷيلٸگٸپ ەدٸ. "ٶتٸرٸك مەلٸمەت تاراتادى" دەپ سٶككەن.
ستاتيستيكا بيۋروسى ماۋسىم سايىن ەلدەگٸ ورتاشا جالاقى مٶلشەرٸن جارييالاپ تۇرادى. وسى جولى بۇقارانىڭ ايلىق تابىسى 275 مىڭ تەڭگەدەن استى دەدٸ. ەستٸگەن جۇرت "دۋ" ەتە قالدى, دەپ حابارلادى Sputnik قازاقستان اگەنتتٸگٸ حابار 24 ارناسىنا سٸلتەمە جاساپ.
"جۇمىسشىلاردىڭ ايلىعى – 60-70 مىڭ. قازاقستاندا ورتاشا جالاقى 250 مىڭ تەڭگە دەگەنگە مەن كەلٸسە المايمىن. تاماعىڭا تارتساڭ, پەتەرٸڭە جەتپەيدٸ. پەتەرٸڭە تارتساڭ, سۋىڭا جەتپەيدٸ... بالالاردىڭ ساباعىنا تٶلەۋ كەرەك, تاماق الۋ كەرەك, كۆارتپلاتا تٶلەۋ كەرەك. كەيبٸرەۋلەر 50 مىڭ الادى, 40 مىڭ الاتىندار دا بار عوي. ورتاشا 250 مىڭ دەگەنگە سەنبەيمٸن. مەيلٸ سٶك, مەيلٸ ماقتا – بۇل "ساندىراققا" سەنبەيمٸز", - دەيدٸ تۇرعىندار.
حالىق "نەگە ەلدٸ ارالامايدى, جاعدايدى نەگە كٶزبەن كٶرمەيدٸ" دەپ اشۋلاندى. ٶتكەن اپتادا مەجٸلٸس دەپۋتاتى دا شامىرقانىپ ەدٸ.
"ۇلتتىق ستاتيستيكا بيۋروسى بىلتىر ەلدەگٸ ورتاشا جالاقى مٶلشەرٸ 257 مىڭ تەڭگە دەپ مەلٸمەت تاراتتى. شىنى كەرەك, بۇقارانى ايتپاعاندا, بۇعان ستاتيستيكا جٷرگٸزٸپ وتىرعان مامانداردىڭ ٶزٸ سەنبەيدٸ. مەملەكەت باسشىسى كەسٸپكەرلەرمەن كەزدەسكەندە ايتتى عوي. "حالىقتىڭ دەنٸ اي سايىن 50 مىڭ تەڭگە الادى. بۇعان ٶمٸر سٷرۋگە بولمايدى" دەدٸ. ستاتيستيكا ەلدٸڭ شىنايى ٶمٸرٸن كٶرسەتۋ كەرەك. ال قازٸرگٸ سانداردى قۇددى اسپاننان العانداي", - دەدٸ پارلامەنت مەجٸلٸسٸنٸڭ دەپۋتاتى ەلنۇر بەيسەنباەۆ.
ارقا جايلى بولسا, ارقار اۋىپ نەسٸ بار?! دەپۋتاتتار "ەلدٸڭ جاعدايى قاعازدا جازىلعانداي بولسا, بۇلقىنباس ەدٸ" دەپ وتىر.
"ٶمٸر كٶرسەتكەندەي, حالىقتىڭ جاپپاي كەدەيلەنۋٸ مەملەكەتكە ٶتە قىمباتقا تٷسەدٸ! ٸشكٸ جالپى ٶنٸمنٸڭ ەسەلەپ ٶسۋٸنە قاراماستان قازاقستان ونداعان جىل بويى كەدەيلٸك شەگٸن كٶتەرمەي كەلەدٸ. بٷگٸندە قازاقستان ەڭ تٶمەنگٸ كٷنكٶرٸس دەڭگەيٸ ەلەمدەگٸ ەڭ تٶمەن ەلدەردٸڭ بٸرٸ جەنە نيگەرييا, انگولا, ۆەنەسۋەلا, گابون سيياقتى ەلدەردٸڭ دەڭگەيٸندە تۇر", - دەيدٸ مەجٸلٸس دەپۋتاتى ەرلان سايروۆ.
"مىنانىڭ جالاقىسى كٶبٸرەك, ال مىناۋ ازىراق الادى"دەپ جٸلٸكتەپ جازىپ جٷرگەن ماماندار ورتاشا جالاقىنى قالاي ەسەپتەيتٸنٸن تٷسٸندٸردٸ.
"ەلٸمٸزدە ايلىق تابىسى كٶبٸرەك جەنە ازداۋ جالاقى الاتىندار بار. سولاردىڭ ايلىعىن قوسامىز. شىققان جالاقى قورىن ايلىق الاتىن ادامداردىڭ سانىنا بٶلەمٸز. سول كەزدە وسىنداي ساندار شىعادى. مۇنداي ەدٸستٸ كٶپتەگەن ەل قولانادى. مۇنى ورتاق تەسٸل دەۋگە بولادى", - دەيدٸ ۇلتتىق ستاتيستيكا بيۋروسى دەپارتامەنتٸنٸڭ باس ساراپشىسى الماگٷل سەمەتوۆا.
مۇنداي ەدٸس كٶپتەگەن ەلدە كەڭٸنەن قولدانىلادى. بٸراق سولاردىڭ دەنٸ دامىعان ەلدەر. كٶشتٸ الپاۋىتتار باستايدى. ال قازاقسان سىندى ەلەۋمەتتٸك تەڭسٸزدٸك بەلەڭ العان ەلدە بۇل ەدٸستٸ قولدانۋ حالىقتىڭ شىنايى تۇرمىسىن كٶرسەتۋگە كەدەرگٸ كەلتٸرٸپ وتىر. مۇنى ستاتيستيكا جٷرگٸزٸپ وتىرعان مامانداردىڭ ٶزٸ مويىندايدى.
الماگٷل سەمەتوۆا "ەلٸمٸزدە مۇنداي جالاقى الاتىندار قانشاما?" دەگەن سۇراققا "حالىقتىڭ شامامەن 6 پروتسەنتٸ" دەپ جاۋاپ بەردٸ.
جاعدايى جۇتاڭ جاندار كٶبەيٸپ كەتسە, مەملەكەت كەلەڭسٸزدٸككە تاپ بولادى. بۇل ەكونوميكانىڭ قاراپايىم قاعيداسى. بەلكٸم قازاقستاندا شىنىمەن ورتاشا جالاقى مٶلشەرٸن انىقتاۋدىڭ باسقا ەدٸسٸن قولداناتىن كەز جەتكەن بولار.
