فوتو: ەرنۇر ماناپقان
جەتٸسۋ ٶڭٸرٸندەگٸ جوڭعار الاتاۋى ۇلتتىق پاركٸ اۋماعىندا گەنەتيكالىق ماتەريال رەتٸندە ەلەمدٸ مويىنداتقان سيۆەرس الماسى ورمان القاپتارى 3800 گەكتار جەر كٶلەمٸن الۋدا, بۇل ەلٸمٸز بويىنشا قىزىل كٸتاپقا ەنگەن جەمٸس تٷرٸنٸڭ ەڭ كٶپ شوعىرلانىپ ٶسكەن اۋماعى, دەپ حابارلايدى Ult.kz.
ەكولوگييا مينيسترلٸگٸنٸڭ حابارلاۋىنشا, بور دەۋٸرٸنەن وسى كٷنگە دەيٸن ساقتالىپ كەلگەن جابايى المانىڭ 40-قا جۋىق تٷرٸ ۇلتتىق پارك تەرريتوريياسىندا ەرەكشە قورعاۋعا الىنعان.
«بيٸكتٸگٸ 6-8 مەترگە جەتەتٸن جەمٸس اعاشىنىڭ گٷلدەرٸ ٸرٸ, تٷسٸ اق نەمەسە سۇر-قىزعىلت. بۇل ٶتە ەدەمٸ كٶرٸنٸس. ورمان قورى ٷلكەن اۋماقتى الىپ, تاۋ بٶكتەرٸندە ورنالاسقاندىقتان, قۇددى بٸر قىزعىلت كٸلەم تٶسەلگەندەي كٶرٸنەدٸ. سيۆەرس الما اعاشىنىڭ گٷلدەۋٸ سەۋٸر-مامىر ايلارىنا كەلٸپ, وسى ۋاقىتتا كەرەمەت تابيعات كٶرٸنٸسٸن تاماشالاۋ ٷشٸن ۇلتتىق پارك تۋريستەر سانى ارتادى. شەتەلدٸك ازاماتتار دا كەلەدٸ. گٷلدەۋ كەزەڭٸنٸڭ ورتا ۋاقىتىندا, شامامەن مامىر ايلارىنىڭ باسىندا 2018 جىلدان بەرٸ فەستيۆال ٶتكٸزٸپ كەلەمٸز. ماقساتىمىز قورعاۋعا الىنعان جەمٸس تٷرٸمەن تانىستىرۋ», - دەپ اتاپ ٶتتٸ جوڭعار الاتاۋى ۇلتتىق پاركٸ ديرەكتورىنىڭ ورىنباسارى ت.قاسىمحانوۆا.
ايازعا تٶزٸمدٸ, كليماتتىق جاعدايلارعا بەيٸمدٸ. دەل وسى ەرەكشە قاسيەتتەرٸنە قاراي, سيۆەرس الماسى گەنەتيكالىق قور رەتٸندە ٶتە باعالى. جابايى اعاش تٷرٸن ساقتاۋ ٷشٸن ۇلتتىق پاركتە ارنايى عىلىم بٶلٸمٸ قىزمەت ەتەدٸ, سونداي-اق الماتى جەنە تالدىقورعان قالالارىنداعى عىلىمي ينستيتۋتتارمەن بٸرلەسكەن جۇمىستار اتقارىلادى. سيۆەرس الماسىنىڭ ٶسەتٸن اۋماقتارىندا قورىقتىق كٷزەت رەجيمٸ بەلگٸلەنگەن, ياعني جەمٸس ورماندارىنىڭ تابيعي ەكولوگييالىق تەپە-تەڭدٸگٸن بۇزاتىن بارلىق شارۋاشىلىق قىزمەتكە تيىم سالىنعان.
ال, كٶرەم دەۋشٸ تۋريستەرگە ارنالعان ارنايى «عىلىمي-تانىمدىلىق تۋرى» مارشرۋتى قۇراستىرىلعان. بۇل باعىت جابايى جەمٸستٸ سيۆەرس اعاشىنىڭ ٶسەتٸن جەرلەرٸمەن ٶتەدٸ.
