قازاقستاندا 2026 جىلدىڭ العاشقى توعىز ايىندا 356 مىڭ جەكە كەسٸپكەر ەسەپتەن شىعارىلدى. ولاردىڭ 42,6 پايىزى 2025 جىلى تابىس تاپپاعان, ال 20,8 پايىزى كەسٸپكەرلٸك قىزمەتٸن جالعاستىرىپ, ٶزٸن-ٶزٸ جۇمىسپەن قامتىعاندار رەجيمٸنە كٶشكەن. بۇل تۋرالى پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين مەلٸمدەدٸ, دەپ حابارلايدى ult.kz.
مينيستردٸڭ ايتۋىنشا, 2026 جىلعى قاڭتار-قىركٷيەك ارالىعىندا 277 مىڭ جاڭا كەسٸپكەرلٸك سۋبەكتٸسٸ تٸركەلگەن. ونىڭ ٸشٸندە 34,7 مىڭى – زاڭدى تۇلعا, 242,3 مىڭى – جەكە كەسٸپكەر.
وسى كەزەڭدە 19,7 مىڭ زاڭدى تۇلعا مەن 356 مىڭ جەكە كەسٸپكەر ەسەپتەن شىعارىلعان.
سەرٸك جۇمانعارين جەكە كەسٸپكەرلٸكتٸ تٸركەۋدٸ توقتاتۋ ەردايىم بيزنەستٸڭ تولىق جابىلعانىن بٸلدٸرمەيتٸنٸن اتاپ ٶتتٸ. مەسەلەن, كەسٸپكەرلەردٸڭ بٸر بٶلٸگٸ قىزمەتٸن جالعاستىرا وتىرىپ, سالىق رەجيمٸن ٶزگەرتكەن.
كەسٸپكەرلٸك سۋبەكتٸلەرٸنٸڭ جالپى سانى ٶسكەن
ۆيتسە-پرەمەردٸڭ مەلٸمەتٸنشە, ٶزٸن-ٶزٸ جۇمىسپەن قامتىعان ازاماتتاردى قوسا ەسەپتەگەندە, قازاقستانداعى كەسٸپكەرلٸك سۋبەكتٸلەرٸنٸڭ جالپى سانى 32,5%-عا ٶسٸپ, 3,2 ميلليونعا جەتكەن.
جالپىعا بٸردەي بەلگٸلەنگەن سالىق رەجيمٸندە جۇمىس ٸستەيتٸن, قوسىلعان قۇن سالىعىن تٶلەۋشٸ كەسٸپكەرلەردٸڭ سانى دا 28%-عا ارتقان.
سونىمەن قاتار, ٶزٸن-ٶزٸ جۇمىسپەن قامتىعاندارعا ارنالعان رەجيمدە 981 مىڭ ادام تٸركەلگەن. ولاردىڭ 807 مىڭى العاش رەت سالىق ەسەبٸنە تۇرعان.
