قىرعىزستاندا ٷش جاستاعى ەكٸ بالا اتا-اناسىنىڭ Mercedes كٶلٸگٸن ايداپ كەتٸپ, جۇرتتى تاڭعالدىردى, دەپ حابارلايدى ult.kz.
وقيعا وش وبلىسىندا بولعان. بالالاردىڭ اتا-اناسى ٷيدەن ەرٸ بالالارىنىڭ, ەرٸ كٶلٸكتٸڭ جوعالعانىن بايقاپ, دەرەۋ ٸزدەۋگە كٸرٸسكەن.
بەلگٸلٸ بولعانداي, كٸشكەنتاي «جٷرگٸزۋشٸلەر» كٶلٸكپەن بٸراز جەر جٷرٸپ ٶتٸپ, جاقىن ماڭداعى جىراعا جەتكەندە توقتاعان. ابىروي بولعاندا, بالالار ەشقانداي جاراقات الماعان. الايدا كٶلٸككە زاقىم كەلگەن.
كٶلٸك يەسٸ ەرٸ ۆيدەونى جارييالاعان ازامات بۇل وقيعانىڭ ٶزٸنە ٷلكەن ساباق بولعانىن ايتتى. ونىڭ سٶزٸنشە, ەندٸ ول كٶلٸگٸن ەردايىم قۇلىپتاپ, كٸلتٸن بالالاردىڭ قولى جەتپەيتٸن جەردە ساقتايتىن بولادى.
وقيعا ەلەۋمەتتٸك جەلٸ قولدانۋشىلارى اراسىندا قىزۋ تالقىلانىپ جاتىر. كٶپشٸلٸك بالالاردىڭ امان قالعانىنا قۋانىپ, اتا-انالاردى قاۋٸپسٸزدٸك شارالارىن قاتاڭ ساقتاۋعا شاقىردى.
