سوڭعى 25 جىلدا قازاقستاننان شەتەلدٸك وفشورلارعا شامامەن 140-160 ميلليارد اقش دوللارى شىعارىلعان. بۇل تۋرالى مەجٸلٸستٸڭ جالپى وتىرىسىندا دەپۋتات ماقسات رامانقۇلوۆ ايتتى, دەپ حابارلايدى قازاقپارات.
«پرەزيدەنت قاسىم-جومارت توقاەۆ سىبايلاس جەمقورلىققا قارسى كٷرەس مەسەلەلەرٸنە ارنالعان كەشەگٸ كەڭەستە بۇل دەرت ەلٸمٸزدٸڭ دامۋىنا ەلەۋلٸ قيىندىقتار تۋعىزاتىنىن ايتتى. مەملەكەت باسشىسى سىبايلاس جەمقورلىقتى جويۋ جٶنٸندە تاپسىرمالار بەردٸ. «اق جول» پارتيياسىنىڭ ساياسي باعدارلاماسىندا سىبايلاس جەمقورلىق مەملەكەتتٸگٸمٸزگە نەگٸزگٸ ٷش قاتەردٸڭ بٸرٸ رەتٸندە كٶرسەتٸلگەن. بٷگٸنگٸ تاڭدا كازاقستان حالقىنىن ۇرلانعان قىرۋار قاراجاتتى ەلگە قايتارۋدى ماڭىزدى مەسەلە دەپ سانايمىز. بٸزدٸڭ فراكتسييا سوڭعى جىلدارى, «پاناما تٸزٸمٸ», «رايسكوە دوسە» جەنە, شۆەيتسارييا بانكتەرٸنٸڭ قازاقستاندىقتىردىڭ شوتتارىنا قاتىستى دەپۋتاتتىق ساۋالدارىمىزدا وسى مەسەلەلەردٸ بٸرنەشە رەت كٶتەرگەن بولاتىنبىز», – دەدٸ ماقسات رامانقۇلوۆ قارجى مونيتورينگٸ اگەنتتٸگٸنە جولداعان ساۋالىندا.
ونىڭ ايتۋىنشا, «Tax Justice network» حالىقارالىق ۇيىمىنىڭ مەلٸمەتٸ بويىنشا, سوڭعى 25 جىلدا قازاقستاننان شەتەلدٸك وفشورلارعا شامامەن 140-160 ميلليارد اقش دوللارى شىعارىلعان. بۇل بٷكٸل ەلدٸڭ جىلدىق ٸشكٸ جالپى ٶنٸمٸ مەن ونىڭ سىرتقى قارىزىنا تەڭ.
«كەيبٸر مەلٸمەتتەرگە سەيكەس, سوڭعى بەس جىلدا قازاقستان رەسپۋبليكاسىنىڭ قۇقىق قورعاۋ ورگاندارى كاراجاتتى شەتەلگە زاڭسىز شىعارۋ فاكتٸلەرٸ بويىنشا ەكٸ جٷزدەن استام ٸس قوزعاعان. الايدا, ناقتى نەتيجەلەرٸ تۋرالى ەشتەڭە بەلگٸسٸز. سونىمەن قاتار, قاڭتار قاسٸرەتٸ كەزٸندە كەيبٸر وليگارحتار قازاقستاننان جەكە ۇشاقتارمەن كەتٸپ قانا قويماي, قىرۋار قارجىنى شەتەلدەگٸ ەسەپشوتتارعا اۋدارعان تۋرالى رەسمي ەمەس اقپارات بار», - دەدٸ دەپۋتات.
وسىعان بايلانىستى «اق جول» فراكتسيياسى قارجى مونيتورينگٸ اگەنتتٸگٸنە تيٸستٸ ۇسىنىستار جاساپ, سۇراقتارىن جولدادى:
1) اگەنتتٸك قۇرىلعاننان بەرٸ قازاقستان ەكونوميكاسىنا وفشورلىق ايماقتاردان ناقتى قانشا قاراجات قايتارىلعان تۋرالى اقپارات بەرۋ.
2) قاڭتارداعى قايعىلى وقيعالار كەزٸندە قازاقستاننان شەتەلگە كانداي كٶلەمدە قارجى شاعارىلدى? ونى كٸمدەر شىعاردى, كٸمدەردٸن شوتتارىنا تٷستٸ?
«سول كٷردەلٸ كٷندەردە كٶلەڭكەلٸ كاپيتالدار شىعارىلدى, دەگەن كٷمەنٸمٸز بار. ول ادامدار تاعدىرىن ەلٸمٸزبەن بايلانىستىرماسا, قالاعان جەردە قالا بەرسٸن. بٸراق شىعارىلعىن قاراجات حالىقتان ۇرلانعان بولسا, ەلٸمٸزگە قايتارىلىپ, ەكونوميكاعا جۇمىس ٸستەسٸن. سوندىقتان بۇنداي فاكتٸلەر بولعان جاعدايدا, سالىق ورگاندارىنان مۇنداي قارجىنىڭ شىعۋىنىڭ زاڭدىلىعىن جەنە ولاردىڭ تيٸستٸ سالىقتاردى تٶلەگەنٸن تەكسەرۋٸن سۇرايمىز», - دەدٸ دەپۋتات.
