Sońǵy 25 jylda Qazaqstannan sheteldik ofshorlarǵa shamamen 140-160 milliard AQSh dollary shyǵarylǵan. Bul týraly Májilistiń jalpy otyrysynda depýtat Maqsat Ramanqulov aitty, dep habarlaidy QazAqparat.
«Prezident Qasym-Jomart Toqaev sybailas jemqorlyqqa qarsy kúres máselelerine arnalǵan keshegi keńeste bul dert elimizdiń damýyna eleýli qiyndyqtar týǵyzatynyn aitty. Memleket basshysy sybailas jemqorlyqty joiý jóninde tapsyrmalar berdi. «Aq jol» partiiasynyń saiasi baǵdarlamasynda sybailas jemqorlyq memlekettigimizge negizgi úsh qaterdiń biri retinde kórsetilgen. Búgingi tańda Kazaqstan halqynyn urlanǵan qyrýar qarajatty elge qaitarýdy mańyzdy másele dep sanaimyz. Bizdiń fraktsiia sońǵy jyldary, «Panama tizimi», «Raiskoe dose» jáne, Shveitsariia bankteriniń qazaqstandyqtyrdyń shottaryna qatysty depýtattyq saýaldarymyzda osy máselelerdi birneshe ret kótergen bolatynbyz», – dedi Maqsat Ramanqulov Qarjy monitoringi agenttigine joldaǵan saýalynda.
Onyń aitýynsha, «Tax Justice network» halyqaralyq uiymynyń málimeti boiynsha, sońǵy 25 jylda Qazaqstannan sheteldik ofshorlarǵa shamamen 140-160 milliard AQSh dollary shyǵarylǵan. Bul búkil eldiń jyldyq ishki jalpy ónimi men onyń syrtqy qaryzyna teń.
«Keibir málimetterge sáikes, sońǵy bes jylda Qazaqstan Respýblikasynyń quqyq qorǵaý organdary karajatty shetelge zańsyz shyǵarý faktileri boiynsha eki júzden astam is qozǵaǵan. Alaida, naqty nátijeleri týraly eshteńe belgisiz. Sonymen qatar, qańtar qasireti kezinde keibir oligarhtar Qazaqstannan jeke ushaqtarmen ketip qana qoimai, qyrýar qarjyny sheteldegi esepshottarǵa aýdarǵan týraly resmi emes aqparat bar», - dedi depýtat.
Osyǵan bailanysty «Aq jol» fraktsiiasy Qarjy monitoringi agenttigine tiisti usynystar jasap, suraqtaryn joldady:
1) Agenttik qurylǵannan beri Qazaqstan ekonomikasyna ofshorlyq aimaqtardan naqty qansha qarajat qaitarylǵan týraly aqparat berý.
2) Qańtardaǵy qaiǵyly oqiǵalar kezinde Qazaqstannan shetelge kandai kólemde qarjy shaǵaryldy? Ony kimder shyǵardy, kimderdin shottaryna tústi?
«Sol kúrdeli kúnderde kóleńkeli kapitaldar shyǵaryldy, degen kúmánimiz bar. Ol adamdar taǵdyryn elimizben bailanystyrmasa, qalaǵan jerde qala bersin. Biraq shyǵarylǵyn qarajat halyqtan urlanǵan bolsa, elimizge qaitarylyp, ekonomikaǵa jumys istesin. Sondyqtan bundai faktiler bolǵan jaǵdaida, salyq organdarynan mundai qarjynyń shyǵýynyń zańdylyǵyn jáne olardyń tiisti salyqtardy tólegenin tekserýin suraimyz», - dedi depýtat.
