32,8 ميلليون باستان استام مالدى قىستان امان-ەسەن الىپ شىعۋ ٷشٸن وبلىس ەكٸمدٸكتەرٸمەن بٸرلەسٸپ جەم-شٶپ دايىنداۋ جوسپارى ايقىندالدى. بۇل تۋرالى قر اۋىل شارۋاشىلىعى مينيسترلٸگٸنەن مەلٸم بولدى, دەپ حابارلايدى قازاقپارات.
«مالعا بەرەتٸن ەكپە شٶپ القابى 3,2 ملن گەكتاردى قۇرايدى. بۇل ٶتكەن جىلمەن سالىستىرعاندا 13 مىڭ گەكتارعا ارتىق. ال مالعا جەم رەتٸندە بەرٸلەتٸن داقىلداردىڭ ەگٸس القابى 2,6 ملن گەكتار. 2021 جىلدىڭ 22 قىركٷيەگٸندەگٸ جاعداي بويىنشا 23,2 ملن توننا شٶپ جينالدى. بۇل جوسپاردىڭ (23,8 ملن توننا) 98%-عا ورىندالعانىن كٶرسەتەدٸ. بۇدان بٶلەك, 1,5 ملن توننا (94%) پٸشەندەمە, 1 ملن توننادان استام (53%) سٷرلەم, 2,9 ملن توننا (61%) سابان دايىندالدى», - دەلٸنگەن مينيسترلٸك مەلٸمەتٸندە.
بيىلعى اۋا رايىنىڭ قولايسىزدىعى مال ازىعى قورىن جيناۋعا ەدەۋٸر قيىندىق تۋعىزدى. اتاپ ايتقاندا, قۇرعاقشىلىقتىڭ كەسٸرٸنەن جايىلىمداردىڭ باسىم بٶلٸگٸ قۋراپ قالدى, تابيعي شابىندىق جەرلەردە دە شٶپ قالىڭ بولمادى.
«جاعدايدى تۇراقتاندىرۋ ٷشٸن مينيسترلٸك ناقتى شارالار قابىلداۋدا. جەم-شٶپ دايىنداۋ مەسەلەلەرٸ بويىنشا جەرگٸلٸكتٸ جەنە ورتالىق اتقارۋشى ورگانداردىڭ قىزمەتٸن ٷيلەستٸرۋ جٶنٸندەگٸ رەسپۋبليكالىق جەدەل شتاب قۇرىلىپ, جۇمىس ٸستەپ جاتىر. قۇرعاقشىلىقتان زارداپ شەككەن ايماقتارعا قارجىلاي كٶمەك كٶرسەتٸلدٸ. مەسەلەن, ماڭعىستاۋ مەن قىزىلوردا وبلىستارىنداعى جەم-شٶپ ساتىپ الۋعا جۇمسالعان شىعىنداردى ٶتەۋگە ٷكٸمەت رەزەرۆٸنەن 3,6 ملرد تەڭگە بٶلٸندٸ. بٷگٸنگٸ تاڭدا ماڭعىستاۋ وبلىسىندا 1,2 ملرد تەڭگە يگەرٸلٸپ, 632 شارۋا قوجالىعى مەن 6021 جەكە قوسالقى شارۋاشىلىقتىڭ شىعىنى تٶلەندٸ. قىزىلوردا وبلىسىنا 1,7 ملرد تەڭگە بٶلٸنٸپ, ونىڭ 1 ملرد تەڭگەسٸ 692 شارۋا قوجالىعىنىڭ شىعىنىن ٶتەۋگە جۇمسالدى», - دەپ اتالىپ ٶتكەن حابارلامادا.
ماڭعىستاۋ وبلىسىنىڭ ەكٸمدٸگٸ جەرگٸلٸكتٸ بيۋدجەتتەن شٶپ پەن جەم ساتىپ الۋعا قوسىمشا 5,3 ملرد تەڭگە (1,9 ملرد تەڭگە – 26 مىڭ توننا شٶپ ساتىپ الۋعا جەنە 3,4 ملرد تەڭگە – 34 مىڭ توننا جەم ساتىپ الۋعا) بٶلدٸ. مال ازىعى قۇنىنىڭ قىمباتتاۋىنا بايلانىستى بٸرقاتار وبلىس ەكٸمدٸكتەرٸ (اقتٶبە, قوستاناي, پاۆلودار, سقو, اتىراۋ, شىمكەنت ق.) جەم-شٶپ ساتىپ الۋ قۇنىن ارزانداتۋ ٷشٸن جەرگٸلٸكتٸ بيۋدجەتتەن 13,6 ملرد تەڭگە قارجى بٶلدٸ. اقتٶبە وبلىسى بيىل 6,7 ملرد تەڭگە بٶلٸپ, وبلىستىڭ بارلىق اگروقۇرىلىمدارىن سۋبسيدييامەن قامتىدى.
بيىل تامىز ايىنىڭ 23-ٸنەن باستاپ مالعا بەرەتٸن شٶپ تٷرلەرٸن رەسپۋبليكا اۋماعىنان شىعارۋعا ۋاقىتشا تىيىم سالىندى. سونداي-اق مالعا جەم رەتٸندە بەرەتٸن داقىلدار ەكسپورتىن كۆوتالاۋ جٶنٸندەگٸ بۇيرىقتىڭ جوباسى ەزٸرلەندٸ.
