بٷگٸن قر پرەمەر-مينيسترٸ اسقار ماميننٸڭ تٶراعالىعىمەن ەلباسىنىڭ «ەل ٷمٸتٸ» باستاماسى اياسىندا جٷزەگە اسىرىلىپ جاتقان جەنە «100 ناقتى قادام» ۇلت جوسپارىن ساپالى ورىنداۋعا باعىتتالعان ٶزگەرٸستەردٸ باسقارۋ جٶنٸندەگٸ cالالىق مەنەدجەرلەردٸ دايارلاۋ باعدارلاماسىنىڭ باسقارۋشى كوميتەتٸنٸڭ وتىرىسى ٶتتٸ, دەپ جازادى primeminister.kz.
باسقارۋشى كوميتەت باعدارلاما قاتىسۋشىلارىن ٸرٸكتەۋ نەتيجەلەرٸن قاراستىردى, سونداي-اق ٶزگەرٸستەر مەنەدجەرلەرٸ كومانداسىنىڭ قۇرامى بەكٸتٸلدٸ, ولار مەملەكەت ساياساتىنىڭ 11 سالاسىندا: بٸلٸم بەرۋ, گەولوگييالىق بارلاۋ, ساۋدا جەنە لوگيستيكا, ٶنەركەسٸپ, ونىڭ ٸشٸندە جاڭا يندۋسترييا, قۇرىلىس, ٶڭٸرلٸك دامۋ, دەنساۋلىق ساقتاۋ, مەديا, اۋىل شارۋاشىلىعى, تۋريزم جەنە سۋ رەسۋرستارى سالالارىندا 43 ناقتى مٸندەتتٸ شەشۋدٸ قامتاماسىز ەتۋٸ تيٸس.
باعدارلاماعا قاتىسۋ ٷشٸن 2958 قازاقستاندىق ٶتٸنٸم بەرگەن, ونىڭ ٸشٸندە 1345 ٷمٸتكەر ٸرٸكتەۋدٸڭ ەكٸنشٸ كەزەڭٸنە جٸبەرٸلٸپ, تەستٸلەۋدەن ٶتتٸ. ونىڭ نەتيجەسٸ بويىنشا 662 ٷمٸتكەر ٷشٸنشٸ كەزەڭ – قۇزىرەتتەرٸ بويىنشا سۇحبات الۋ كەزەڭٸنە ٶتتٸ. قورىتىندىسى بويىنشا باعدارلاماعا الۋ ٷشٸن 230 قاتىسۋشى ۇسىنىلدى.
باعدارلاماعا ٸرٸكتەلگەن قاتىسۋشىلاردىڭ جارتىسىنان استامىنىڭ حالىقارالىق بٸلٸمٸ بار, ٷشتەن بٸرٸ حالىقارالىق كومپانييالاردا تەجٸريبە جيناقتاعان, ورتاشا جاسى – 35 جاس. قازٸرگٸ كەزدە ٶزگەرٸستەر مەنەدجەرلەرٸنٸڭ 70%-ى – جەكە سەكتوردا, 30%-ى – مەملەكەتتٸك جەنە كۆازيمەملەكەتتٸك ۇيىمداردا جۇمىس ٸستەيدٸ.
باعدارلاما قاتىسۋشىلارى سالالىق مٸندەتتەردٸ شەشە وتىرىپ, ەلٸمٸزدٸڭ دامۋىنا ٶز ٷلەسٸن قوسۋمەن قاتار, سالالىق ەرٸ كٶشباسشىلىق بٸلٸكتٸلٸكتەرٸن شىڭداۋعا مٷمكٸندٸك الادى. ول ٷشٸن قاتىسۋشىلاردىڭ ترەنينگتٸك جەنە كوۋچينگتٸك باعدارلامالاردان ٶتۋٸ قاراستىرىلىپ جاتىر.
سالالىق مٸندەتتەردٸ شەشۋ كەزٸندە ٶزگەرٸستەر مەنەدجەرلەرٸ كەڭەس جەنە كونسۋلتاتسييا الۋ ٷشٸن مەملەكەتتٸك جەنە جەكەمەنشٸك سەكتوردان ارنايى تاڭدالعان 40-تان استام مەنتورعا جٷگٸنە الادى.
ٶزگەرٸستەردٸ باسقارۋ بويىنشا سالالىق مەنەدجەرلەردٸ دايىنداۋ باعدارلاماسىنا قاتىسۋشىلاردى ٸرٸكتەۋ بيىلعى 15 اقپاندا باستالدى. باعدارلاماعا قر تۇڭعىش پرەزيدەنتٸ – ەلباسى قورى باستاماشى بولدى, ول قر ٷكٸمەتٸنٸڭ جوبالىق كەڭسەسٸمەن بٸرلەسٸپ جٷزەگە اسىرىلىپ جاتىر.
