كٷرٸش سيياقتى سۋدى كٶپ قاجەت ەتەتٸن داقىلدار ٷلەسٸ ازايتىلادى. بۇل تۋرالى ٷكٸمەت وتىرىسىندا قر اۋىل شارۋاشىلىعى مينيسترٸ ساپارحان وماروۆ مەلٸم ەتتٸ, دەپ حابارلايدى قازاقپارات.
«اۋىل شارۋاشىلىعى ەڭبەككەرلەرٸن زاماناۋي ىلعال ٷنەمدەۋ تەحنولوگييالارىن قولدانۋعا كٶشۋگە ىنتالاندىرۋ ماقساتىندا مينيسترلٸك جابدىقتار ساتىپ الۋعا, سونداي-اق بارلىق قاجەتتٸ ينفراقۇرىلىمدى جٷرگٸزۋگە جۇمسالعان شىعىنداردىڭ 50%-ىن ٶتەۋدٸ كٶزدەيتٸن ينۆەستيتسييالىق سۋبسيدييالاۋ تٷرٸندەگٸ مەملەكەتتٸك قولداۋدى جٷزەگە اسىرادى.
فەرمەرلەردٸ وقىتۋ جەنە بٸلٸمٸن جەتٸلدٸرۋ جٷزەگە اسىرىلۋدا, ونىڭ ٸشٸندە بۇل دەمونستراتسييالىق فەرمالار جەلٸسٸ ارقىلى دا جٷرگٸزٸلۋدە. جاڭا سۋ رەسۋرستارىن باسقارۋدىڭ 2030 جىلعا دەيٸنگٸ مەملەكەتتٸك باعدارلاماسىنىڭ جوباسىندا سۋ ٷنەمدەۋ تەحنولوگييالارى قولدانىلاتىن الاڭدى 750 مىڭ گەكتارعا دەيٸن جەتكٸزۋ جٶنٸندەگٸ ينديكاتور كٶزدەلگەنٸن اتاپ ٶتكەن جٶن», - دەدٸ مينيستر.
سۋارۋدىڭ سۋ ٷنەمدەۋ تەحنولوگييالارىن تولىق كٶلەمدە ەنگٸزۋ سۋ شىعىنىن ازايتىپ, ٶنٸمدٸلٸكتٸ ارتتىرا وتىرىپ, سۋارمالى جەرلەردٸ ۇتىمدى پايدالانۋعا مٷمكٸندٸك بەرەدٸ.
«سۋارمالى جەرلەردٸڭ الاڭىن 3 ملن گەكتارعا دەيٸن جەتكٸزۋ قاجەتتٸلٸگٸن ەسكەرە وتىرىپ, مينيسترلٸك 2018 جىلى ەگٸس القاپتارىنىڭ بولجامدى قۇرىلىمىن ەزٸرلەدٸ. بۇل قۇرىلىم وبلىستار ەكٸمدٸكتەرٸنە ٸسكە اسىرۋ ٷشٸن جولداندى. كٶرسەتٸلگەن اۋىل شارۋاشىلىعى داقىلدارى ەگٸسٸنٸڭ بولجامدى قۇرىلىمىندا كٷرٸش سيياقتى سۋدى كٶپ قاجەت ەتەتٸن داقىلدار ٷلەسٸنٸڭ 75 مىڭ گەكتارعا دەيٸن جەنە ماقتا داقىلدارى ٷلەسٸنٸڭ 100 مىڭ گەكتارعا دەيٸن ازايۋى ەسكەرٸلگەن. سونداي-اق, 2030 جىلى ەگٸس قۇرىلىمىندا ماساقتى دەندٸ داقىلداردى 50 مىڭ گەكتارعا دەيٸن كەمٸتۋ جوسپارلانۋدا, بۇل رەتتە سولتٷستٸك ٶڭٸردە دەندٸ داقىلداردى ازىقتىق اۋىسپالى ەگٸستە سۋارۋ كٶزدەلگەن.
ەگٸس قۇرىلىمى وڭتايلى سۋارمالى جەرلەردٸڭ كٶرسەتٸلگەن الاڭىن دۇرىس پايدالانۋ مەملەكەت باسشىسىنىڭ جوعارى رەنتابەلدٸ داقىلدار ٶندٸرٸسٸنە كٶشۋ, يمپورتتى الماستىرۋ جەنە سۋارمالى جەرلەر الاڭىن 2030 جىلعا دەيٸن بٸرتٸندەپ 3 ملن گەكتەرعا دەيٸن جەتكٸزۋ بويىنشا قويعان مٸندەتتەرٸن ورىنداۋعا مٷمكٸندٸك بەرەدٸ», - دەدٸ س. وماروۆ.
