2023-2030 جىلدار ارالىعىندا 1 ملن گەكتار سۋارمالى جەر اينالىمعا ەنگٸزٸلەدٸ. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى قازاقپارات.
«مەملەكەت باسشىسى قاسىم-جومارت توقاەۆتىڭ تاپسىرماسىنا سەيكەس, بٸز سۋارمالى جەر كٶلەمٸن 2030 جىلعا دەيٸن 3 ملن گەكتارعا دەيٸن جەتكٸزۋٸمٸز كەرەك. ايتا كەتۋ كەرەك, سۋارمالى جەرلەر نەگٸزگٸ سۋ تۇتىنۋشى بولىپ سانالادى. بٷگٸنگٸ تاڭدا سۋارمالى جەرلەردٸڭ اۋدانى 1,6 ملن گەكتاردى قۇرايدى. 2021-2023 جىلدار كەزەڭٸندە الماتى, جامبىل, تٷركٸستان, قىزىلوردا جەنە اقتٶبە وبلىستارىندا 274 ملرد تەڭگە سوماسىنا 492 مىڭ گەكتار سۋارمالى جەردٸ قالپىنا كەلتٸرۋ جۇمىستارى جالعاستىرىلادى», - دەدٸ ول سەنات تٶراعاسىنىڭ ورىنباسارى اسقار شەكٸروۆتٸڭ تٶراعالىعىمەن ٶتٸپ جاتقان ٷكٸمەت ساعاتىندا.
ونىڭ ايتۋىنشا, نەتيجەسٸندە 88 مىڭ جۇمىس ورنى قۇرىلادى. قۇرىلىس كەزەڭٸندە 11 مىڭ جۇمىس ورنى پايدا بولادى.
«ەڭ باستىسى, قالپىنا كەلتٸرٸلگەن سۋارمالى جەرلەردٸ اينالىمعا ەنگٸزۋ ارقىلى اۋىل شارۋاشىلىعىندا 77 مىڭ تۇراقتى جۇمىس ورنىن قۇرۋعا مٷمكٸندٸك الامىز. ٶز كەزەگٸندە, بۇل ساۋدا جەنە اۋىل شارۋاشىلىعى ٶنٸمدەرٸن قايتا ٶڭدەۋ سالالارىندا ودان ەرٸ مۋلتيپليكاتيۆتٸك نەتيجە بەرەدٸ. بۇدان ەرٸ 2023-2030 جىلدار ارالىعىندا 1 ملن گەكتار سۋارمالى جەر اينالىمعا ەنگٸزٸلەدٸ. نەتيجەسٸندە جىل سايىن 570 ملرد تەڭگە كٶلەمٸندە اۋىل شارۋاشىلىعى ٶنٸمٸ قوسىمشا پايدا بولادى. 500 مىڭ جۇمىس ورنى قۇرىلادى», - دەدٸ ماعزۇم مىرزاعاليەۆ.
