2023-2030 jyldar aralyǵynda 1 mln gektar sýarmaly jer ainalymǵa engiziledi. Bul týraly QR Ekologiia, geologiia jáne tabiǵi resýrstar ministri Maǵzum Myrzaǵaliev aitty, dep habarlaidy QazAqparat.
«Memleket basshysy Qasym-Jomart Toqaevtyń tapsyrmasyna sáikes, biz sýarmaly jer kólemin 2030 jylǵa deiin 3 mln gektarǵa deiin jetkizýimiz kerek. Aita ketý kerek, sýarmaly jerler negizgi sý tutynýshy bolyp sanalady. Búgingi tańda sýarmaly jerlerdiń aýdany 1,6 mln gektardy quraidy. 2021-2023 jyldar kezeńinde Almaty, Jambyl, Túrkistan, Qyzylorda jáne Aqtóbe oblystarynda 274 mlrd teńge somasyna 492 myń gektar sýarmaly jerdi qalpyna keltirý jumystary jalǵastyrylady», - dedi ol Senat Tóraǵasynyń orynbasary Asqar Shákirovtiń tóraǵalyǵymen ótip jatqan Úkimet saǵatynda.
Onyń aitýynsha, nátijesinde 88 myń jumys orny qurylady. Qurylys kezeńinde 11 myń jumys orny paida bolady.
«Eń bastysy, qalpyna keltirilgen sýarmaly jerlerdi ainalymǵa engizý arqyly aýyl sharýashylyǵynda 77 myń turaqty jumys ornyn qurýǵa múmkindik alamyz. Óz kezeginde, bul saýda jáne aýyl sharýashylyǵy ónimderin qaita óńdeý salalarynda odan ári mýltiplikativtik nátije beredi. Budan ári 2023-2030 jyldar aralyǵynda 1 mln gektar sýarmaly jer ainalymǵa engiziledi. Nátijesinde jyl saiyn 570 mlrd teńge kóleminde aýyl sharýashylyǵy ónimi qosymsha paida bolady. 500 myń jumys orny qurylady», - dedi Maǵzum Myrzaǵaliev.
