ەلٸمٸزدٸڭ تەحنيكالىق جەنە كەسٸپتٸك بٸلٸم بەرۋ ۇيىمدارىندا قۇجاتتاردى قابىلداۋ باستالدى. جاڭا وقۋ جىلىندا مەملەكەتتٸك بٸلٸم بەرۋ تاپسىرىسى بويىنشا 145 مىڭ ابيتۋريەنت قابىلدانادى دەپ جوسپارلانىپ وتىر. بۇل ٶتكەن جىلمەن سالىستىرعاندا, 10 مىڭ ادامعا كٶپ, دەپ حابارلادى قر وقۋ-اعارتۋ مينيسترلٸگٸ.
مەملەكەتتٸك بٸلٸم بەرۋ تاپسىرىسى تەحنيكالىق, ياعني گەولوگييا, ماشينا قۇراستىرۋ, ەنەرگەتيكا, ٸت, مەتاللۋرگييا, كٶلٸك جەنە ت.ب. ماماندىقتار بويىنشا كٶبەيتٸلدٸ. سونىمەن قاتار, بيىل ٷشٸنشٸ جىل قاتارىنان كوللەدج ابيتۋريەنتتەردٸ جۇمىسقا ورنالاستىرۋ مٸندەتتەمەسٸمەن كەسٸپورىنداردىڭ ٶتٸنٸمدەرٸ بويىنشا قابىلداپ جاتىر. بۇل جىل سايىن ەڭبەك نارىعىنىڭ سۇرانىسىنا ساي ماماندىقتارعا 10 مىڭ ستۋدەنتتٸ قابىلداۋعا مٷمكٸندٸك بەرەدٸ.
سونداي-اق وسى جىلدان باستاپ كوللەدجگە كۆوتا تٸزٸمٸ كەڭەيتٸلٸپ, ارتتىرىلادى:
- I نەمەسە II توپتاعى مٷگەدەكتٸگٸ بار ادامدار, بالا كەزٸنەن مٷگەدەكتٸگٸ بار ادامدار, مٷگەدەكتٸگٸ بار بالالار اراسىنان شىققان ازاماتتار ٷشٸن;
- بالا كەزٸنەن مٷگەدەكتٸگٸ بار بالالاردى, I نەمەسە II توپتاعى مٷگەدەكتٸگٸ بار ادامداردى تەربيەلەپ وتىرعان وتباسىلارداعى بالالار ٷشٸن;
- ەسكەرگە شاقىرۋ بويىنشا مەرزٸمدٸ ەسكەري قىزمەتتٸڭ بەلگٸلەنگەن مەرزٸمٸن ٶتكەرگەن قازاقستان رەسپۋبليكاسىنىڭ ازاماتتارى ٷشٸن.
ەستەرٸڭٸزگە سالا كەتەيٸك, ابيتۋريەنتتەر ٶتٸنٸشتٸ كوللەدجگە قاعاز تٷرٸندە جەنە egov.kz پورتالى ارقىلى ەلەكتروندى تٷردە ەكٸ جولمەن بەرە الادى.
كوللەدجگە تٷسۋ ٷشٸن 9-سىنىپ تٷلەكتەرٸ 25 ماۋسىم مەن 18 تامىز, 11-سىنىپ تٷلەكتەرٸ 25 ماۋسىم مەن 20 تامىز ارالىعىندا قۇجات تاپسىرا الادى.
