ورتالىق كوممۋنيكاتسييالار قىزمەتٸ الاڭىندا ٶتكەن ونلاين بريفينگتە قر دەنساۋلىق ساقتاۋ مينيسترٸ الەكسەي تسوي ٶتەماقى الاتىن مەديتسينالىق قىزمەتكەرلەردٸڭ قاتارى نە سەبەپتٸ ارتپايتىنىن ايتتى, دەپ حابارلايدى قازاقپارات.
«بٸز ەربٸر مەديتسينالىق قىزمەتكەرگە ٶتەماقى بەرگٸمٸز كەلەدٸ, بٸراق مىنا ماڭىزدى مەسەلەنٸ ەسكەرۋٸمٸز كەرەك: دەرٸگەر قابىلداۋىندا بولاتىن ەر ناۋقاس كوروناۆيرۋس ينفەكتسيياسىمەن اۋىرمايدى. ەگەر دەرٸگەر ينفەكتسييالىق ستاتسيوناردا جۇمىس ٸستەيتٸن بولسا – بۇل جەردە دەرٸگەرگە تٶنەتٸن قاۋٸپ, تەۋەكەل دەڭگەيٸ مٷلدەم باسقا. مىسالى, دەرٸگەر وتا جاساپ جاتقان ناۋقاس گەپاتيت نەمەسە جيتس-پەن اۋىرۋى مٷمكٸن. بۇل دا دەرٸگەر ٷشٸن قاۋٸپتٸ. بارلىق دەرٸگەر گيپپوكرات انتىن بەرۋ ارقىلى ناۋقاستىڭ ٶمٸرٸ ٷشٸن كٷرەسٸپ, تەۋەكەل ەتۋگە دايىن بولادى. جالپى العاندا, ٷكٸمەتتٸڭ, مەملەكەت باسشىسىنىڭ قولداۋىمەن مەديتسينالىق قىزمەتكەرلەر ەڭبەگٸنە لايىقتى جالاقى الۋعا قول جەتكٸزدٸك. 2023 جىلى مەديتسينالىق قىزمەتكەرلەردٸڭ جالاقىسى 2 ەسە ٶسۋٸ مٷمكٸن», - دەيدٸ قر دەنساۋلىق ساقتاۋ مينيسترٸ الەكسەي تسوي.
ونىڭ ايتۋىنشا, قازاقستاندا جاسالعان ٶكپەنٸ جاساندى جەلدەتۋ اپپاراتىنىڭ كەپٸلدٸك مەرزٸمٸ – 3 جىل.
«مەديتسينالىق قۇرىلعىلارعا قاتىستى زاڭنامالىق دەڭگەيدە بەكٸتٸلگەن تالاپتار بار. قازاقستاندا جاسالعان ٶكپەنٸ جاساندى جەلدەتۋ اپپاراتتارى ەلٸمٸزدەگٸ ستاتسونارلاردا سىناقتان ٶتتٸ. ول ناۋقاستارعا قولدانۋعا جارامسىز جەنە اقاۋ بولىپ جاتقان جاعدايدا ٶندٸرۋشٸگە قايتارىلادى. جۇقپالى اۋرۋى بار ادامداردى قابىلدايتىن ەربٸر اۋرۋحانادا ٶكپەنٸ جاساندى جەلدەتۋ اپپاراتى كەم دەگەندە 15% بولۋى كەرەك دەگەن ۇسىنىس ايتتىق. بۇل نورماتيۆتەردٸ ورىنداۋ ٶتە ماڭىزدى. قازٸرگٸ ۋاقىتتا وسىنداي قۇرىلعىلار قوسىمشا ساتىپ الىنىپ, ايماقتارعا جەتكٸزٸلۋدە», - دەيدٸ ول.
