تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين شاعىن اۋىلداردى ينتەرنەتپەن قامتاماسىز ەتۋ قالاي ٸسكە اساتىنىن ايتتى, دەپ حابارلايدى "ۇلت اقپارات".
حالىق الدىنداعى ەسەپتٸك كەزدەسۋٸن قورىتىندىلاعان باعدات مۋسين ورتالىق كوممۋنيكاتسييالار قىزمەتٸندە ٶتكەن بريفينگتە 2023 جىلعا دەيٸن عالامتورسىز وتىرعان 1200 اۋىلدىڭ تەڭ جارتىسى زاماناۋي يگٸلٸككە قول جەتكٸزەتٸنٸن ايتتى.
«6459 اۋىلدىڭ 5300-ٸ ينتەرنەتكە قوسىلعان. بٸراق سونىڭ 510-ىندا ينتەرنەت ساپاسى ٶتە تٶمەن. بۇل اۋىلداردىڭ ەرقايسىسىن انىقتادىق. ەندٸ تەلەكوم-وپەراتورلارمەن جۇمىس ٸستەپ جاتىرمىز. بٸزدە جوسپار, ولاردا وسىعان ارنالعان اقشا بار. بىلتىر زاڭناماعا تٷزەتۋ ەنگٸزٸپ, راديوجيٸلٸكتٸ پايدالانعانى ٷشٸن تٶلەنەتٸن ينۆەستيتسييانىڭ 90 پايىزىن اۋىلدىق جەرلەردە ينتەرنەت جەلٸسٸن دامىتۋعا باعىتتاۋ جولعا قويىلعان بولاتىن», - دەيدٸ باعدات مۋسين.
مينيستر ەلٸ دە بولسا 1200-گە جۋىق اۋىلدا ەشقانداي ينتەرنەت جوق ەكەنٸن ەسكە سالدى. ونى شەشۋ ٷشٸن Starlink, One Web, SES سيياقتى شەتەلدٸك كومپانييالارمەن مەماندۋم اياسىندا پيلوتتىق جوبالار ٸسكە اسىرىلماق.
«ول اۋىلداردىڭ مەسەلەسٸن ەكٸ جولمەن شەشەمٸز. بٸرٸنشٸ جولى – راديوجيٸلٸكتەر ارقىلى بولادى. ەكٸنشٸ جولى – تٶمەن وربيتالى جەرسەرٸك توپتارى ارقىلى ينتەرنەت جەتكٸزۋ. 2022 جىلدىڭ اياعىنا دەيٸن ينتەرنەتٸ ناشار 510 ەلدٸ مەكەندەگٸ جاعدايدى تٷزەيمٸز. ال ينتەرنەت مٷلدە جوق 1200 ەلدٸ مەكەننٸڭ تەڭ جارتىسىنا تٶمەن وربيتالى جەرسەرٸك توپتارى ارقىلى بايلانىس جەتكٸزٸلەدٸ», - دەدٸ ول.
