قر دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸنٸڭ رەسمي ٶكٸلٸ ەرجان بايتاناەۆ حالىقتى كوروناۆيرۋس ينفەكتسيياسىنا قارسى ۆاكتسينالاۋ جۇمىستارى تۋرالى ايتىپ بەردٸ, دەپ حابارلايدى قازاقپارات.
«قازٸرگٸ ۋاقىتتا رەسپۋبليكا بويىنشا كوروناۆيرۋس ينفەكتسيياسىنا قارسى ۆاكتسينالاۋدى ۇيىمداستىرۋ جەنە جٷرگٸزۋ جۇمىستارى جالعاسۋدا. 2021 جىلعى اقپاننان باستاپ ٶڭٸرلەرگە 18,5 ملن استام ۆاكتسينا دوزاسى جەتكٸزٸلدٸ, ونىڭ ٸشٸندە ٸ كومپونەنتكە 9,4 ملن دوزا جەنە ٸٸ كومپونەنتكە 9,1 ملن دوزا ۆاكتسينا بار. ەزٸرگە رەسپۋبليكا بويىنشا بٸرٸنشٸ كومپونەنتپەن – 7 884 798 ادام ەگٸلدٸ, ياعني تيٸستٸ كونتينگەنتتٸڭ 79,1%-ى قامتىلدى, ەكٸنشٸ كومپونەنتپەن 6 942 756 ادام (69,6%) ۆاكتسينالاندى», - دەدٸ ەرجان بايتاناەۆ.
ونىڭ ايتۋىنشا, قر دەنساۋلىق ساقتاۋ مينيسترلٸگٸ جەرگٸلٸكتٸ اتقارۋشى جەنە مٷددەلٸ مەملەكەتتٸك ورگاندارمەن حالىقتى كوروناۆيرۋس ينفەكتسيياسىنا قارسى يممۋنداۋ جٶنٸندەگٸ كەشەندٸ جوسپاردى ەزٸرلەدٸ جەنە ماقۇلدادى. ول كوروناۆيرۋسقا قارسى ۆاكتسينالاۋدى ۇيىمداستىرۋ, حالىقارالىق تەجٸريبەنٸ زەردەلەۋ, پروفيلاكتيكالىق ەكپەلەردٸ ەسەپكە الۋدى تسيفرلاندىرۋ جەنە حالىقپەن ۆاكتسينانىڭ ماڭىزى تۋرالى كوممۋنيكاتسييالىق جۇمىستى قامتيدى.
«كەشەندٸ جوسپار قازاقستان رەسپۋبليكاسى اۋماعىندا كوروناۆيرۋس ينفەكتسيياسىنىڭ پايدا بولۋى مەن تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ 2021 جىلعى 9 اقپانداعى حاتتاماسىمەن بەكٸتٸلگەن. بٷگٸنگٸ كٷنٸ كەشەندٸ جوسپاردىڭ بارلىق تارماقتارى ورىندالدى. بٷگٸنگٸ تاڭدا كۆي-عا قارسى ۆاكتسينامەن قامتۋ بويىنشا قازاقستان تمد ەلدەرٸ اراسىندا 2-شٸ جەنە ەلەمنٸڭ بارلىق ەلدەرٸ اراسىندا 42-شٸ ورىندا تۇر. قازاقستاندا 9,9 ملن ادامعا بەس تٷرلٸ ۆاكتسينا دوزالارى قولجەتٸمدٸ. دٷنيەجٷزٸلٸك دەنساۋلىق ساقتاۋ ۇيىمى وسى ينفەكتسيياعا قارسى جىل سوڭىنا دەيٸن حالىقتىڭ 40%-دان استامىن جەنە 2022 جىلى 70%-ىن ۆاكتسينامەن قامتۋدى ۇسىنادى», - دەيدٸ ە. بايتاناەۆ.
2021 جىلعى 12 قازاندا قازاقستاندا كوروناۆيرۋس ينفەكتسيياسىنا قارسى ۆاكتسينانىڭ 1-شٸ كومپونەنتٸن 7 915 434 ادام, 2-شٸ كومپونەنتٸن 6 983 073 ادام سالدىردى.
سونىمەن بٸرگە, قازاقستاندا 12-17 جاستاعى بالالار مەن جٷكتٸ ەيەلدەردٸ ۆاكتسينالاۋ جۇمىستارى جوسپارلانۋدا. وسىعان بايلانىستى مينيسترلٸك Pfizer كومپانيياسىمەن 2021 جىلدىڭ سوڭىنا دەيٸن 4 ملن دوزا ۆاكتسينانى جەتكٸزۋ بويىنشا شارتقا قول قويدى.
قازٸرگٸ ۋاقىتتا رەسپۋبليكا ازاماتتارىنا «گام-كوۆيد-ۆاك» (سپۋتنيك V), «QazVac», «Hayat-Vax», «كوروناۆاك» جەنە «سينوفارم» سىندى بەس تٷرلٸ ۆاكتسينا قولجەتٸمدٸ.
