QR Densaýlyq saqtaý ministrligi sanitarlyq-epidemiologiialyq baqylaý komitetiniń resmi ókili Erjan Baitanaev halyqty koronavirýs infektsiiasyna qarsy vaktsinalaý jumystary týraly aityp berdi, dep habarlaidy QazAqparat.
«Qazirgi ýaqytta respýblika boiynsha koronavirýs infektsiiasyna qarsy vaktsinalaýdy uiymdastyrý jáne júrgizý jumystary jalǵasýda. 2021 jylǵy aqpannan bastap óńirlerge 18,5 mln astam vaktsina dozasy jetkizildi, onyń ishinde I komponentke 9,4 mln doza jáne II komponentke 9,1 mln doza vaktsina bar. Ázirge respýblika boiynsha birinshi komponentpen – 7 884 798 adam egildi, iaǵni tiisti kontingenttiń 79,1%-y qamtyldy, ekinshi komponentpen 6 942 756 adam (69,6%) vaktsinalandy», - dedi Erjan Baitanaev.
Onyń aitýynsha, QR Densaýlyq saqtaý ministrligi jergilikti atqarýshy jáne múddeli memlekettik organdarmen halyqty koronavirýs infektsiiasyna qarsy immýndaý jónindegi keshendi jospardy ázirledi jáne maquldady. Ol koronavirýsqa qarsy vaktsinalaýdy uiymdastyrý, halyqaralyq tájiribeni zerdeleý, profilaktikalyq ekpelerdi esepke alýdy tsifrlandyrý jáne halyqpen vaktsinanyń mańyzy týraly kommýnikatsiialyq jumysty qamtidy.
«Keshendi jospar Qazaqstan Respýblikasy aýmaǵynda koronavirýs infektsiiasynyń paida bolýy men taralýyna jol bermeý jónindegi vedomstvoaralyq komissiianyń 2021 jylǵy 9 aqpandaǵy hattamasymen bekitilgen. Búgingi kúni Keshendi jospardyń barlyq tarmaqtary oryndaldy. Búgingi tańda KVI-ǵa qarsy vaktsinamen qamtý boiynsha Qazaqstan TMD elderi arasynda 2-shi jáne álemniń barlyq elderi arasynda 42-shi orynda tur. Qazaqstanda 9,9 mln adamǵa bes túrli vaktsina dozalary qoljetimdi. Dúniejúzilik densaýlyq saqtaý uiymy osy infektsiiaǵa qarsy jyl sońyna deiin halyqtyń 40%-dan astamyn jáne 2022 jyly 70%-yn vaktsinamen qamtýdy usynady», - deidi E. Baitanaev.
2021 jylǵy 12 qazanda Qazaqstanda koronavirýs infektsiiasyna qarsy vaktsinanyń 1-shi komponentin 7 915 434 adam, 2-shi komponentin 6 983 073 adam saldyrdy.
Sonymen birge, Qazaqstanda 12-17 jastaǵy balalar men júkti áielderdi vaktsinalaý jumystary josparlanýda. Osyǵan bailanysty ministrlik Pfizer kompaniiasymen 2021 jyldyń sońyna deiin 4 mln doza vaktsinany jetkizý boiynsha shartqa qol qoidy.
Qazirgi ýaqytta respýblika azamattaryna «Gam-KOVID-Vak» (Spýtnik V), «QazVac», «Hayat-Vax», «KoronaVak» jáne «Sinofarm» syndy bes túrli vaktsina qoljetimdi.
