2021 جىلدىڭ قاڭتاردان باستاپ بٸلٸم سالاسىن باسقارۋ جٷيەسٸ ٶزگەرەدٸ. بۇل تۋرالى قر بٸلٸم جەنە عىلىم ۆيتسە-مينيسترٸ بيبٸگٷل اسىلوۆا ايتتى, دەپ حابارلايدى "ۇلت اقپارات".
«ٶزدەرٸڭٸزگە بەلگٸلٸ, 2021 جىلدىڭ قاڭتاردان باستاپ بٸلٸم سالاسىن باسقارۋ جٷيەسٸ ٶزگەرەتٸن بولادى. اۋداندىق جەنە قالالىق بٸلٸم بەرۋ بٶلٸمدەرٸن باسقارۋ قىزمەتٸ وبلىستىق باسقارمالارعا بەرٸلەدٸ. ول ٷشٸن «بيۋدجەت» كودەكسٸنە, «بٸلٸم تۋرالى» جەنە «جەرگٸلٸكتٸ مەملەكەتتٸك باسقارۋ تۋرالى» زاڭدارعا 27 ٶزگەرٸس ەنگٸزٸلدٸ. زاڭعا سەيكەس بٸلٸم بٶلٸمدەرٸنٸڭ مەرتەبەسٸ ساقتالادى. بٸراق, ولار بٸلٸم باسقارمالارىنا قاراستى بولادى جەنە وعان ەسەپ بەرەدٸ. كٶپ جاعدايدا بٸلٸم ساپاسى ونىڭ مەنەدجمەنتٸنە, قارجىلاندىرىلۋىنا جۇمىلدىرىلعان بارلىق پروتسەستەردٸڭ تيٸمدٸ ٶزارا ٸس-قيمىلىنا بايلانىستى. اۋداندىق, قالالىق جەنە وبلىستىق بٸلٸم باسقارمالارى ٶزارا ٸس-قيمىلىنىڭ بٷگٸنگٸ پروتسەسٸ قوعام تاراپىنان ەدٸل سىنعا ۇشىراپ وتىر», - دەدٸ بيبٸگٷل اسىلوۆا ۆەدومستۆونىڭ اپپارات جينالىسىندا.
ونىڭ اتاپ ٶتۋٸنشە, 2019 جىلى بٸلٸم جەنە عىلىم مينيسترلٸگٸ مەملەكەت باسشىسىنىڭ تاپسىرماسىمەن ٶزارا ٸس-قيمىلدىڭ تيٸمدٸلٸگٸن ارتتىرۋ بويىنشا نورماتيۆتٸك ينستيتۋتسيونالدى جەنە ۇيىمداستىرۋ شارالارىن قابىلدادى.
«كەلەسٸ جىلدىڭ باسىنان باستاپ قالالىق جەنە اۋداندىق بٸلٸم بٶلٸمدەرٸن قارجىلاندىرۋدى باسقارۋ وبلىستىق دەڭگەيگە كٶشەدٸ. بۇل شارالار وبلىستىق دەڭگەيدەگٸ جەرگٸلٸكتٸ اتقارۋشى ورگانداردىڭ جەرگٸلٸكتٸ جەرلەردەگٸ بٸلٸم بەرۋ ۇيىمدارىنىڭ پروبلەمالى مەسەلەلەرٸنە قارىم-قاتىناسىن ايتارلىقتاي ٶزگەرتەدٸ», - دەدٸ ول.
