ٶتكەن جىلدىڭ 12 ايىنىڭ قورىتىندىسىندا 11,53 ملن توننا مۇناي ٶنٸمدەرٸ ٶڭدەلدٸ. بۇل تۋرالى ٷكٸمەت وتىرىسىندا قر ەنەرگەتيكا مينيسترٸ نۇرلان نوعاەۆ ايتتى, دەپ حابارلايدى قازاقپارات.
«ٶتكەن جىلدىڭ 12 ايىنىڭ قورىتىندىسىندا 11,53 ملن توننا مۇناي ٶنٸمدەرٸ ٶڭدەلدٸ. اۆتوبەنزين بويىنشا كٶرسەتكٸش 4,48 ملن تونناعا جەتتٸ. ياعني ٶتكەن جىلدىڭ جوسپارى 102,6 پايىزعا ورىندالدى. ٶندٸرٸلگەن ديزەل وتىنىنىڭ كٶلەمٸ 4,55 ملن توننا بولدى. بۇل ەسەپتٸ جىلدىڭ جوسپارىنىڭ 102,2 پايىزىنا تەڭ», - دەدٸ ول.
ونىڭ ايتۋىنشا, ٶتكەن جىلى مازۋت ٶندٸرۋ 108,2 پايىزعا ارتىپ, 2,1 ملن توننانى قۇرادى. ال ەۋە وتىنى بويىنشا كٶرسەتكٸش 438 مىڭ توننا بولدى. ياعني جوسپار تەك 93,4 پايىزعا ورىندالدى. وعان ەۋە قاتىناسىنىڭ ازايۋى سەبەپ بولىپ وتىر.
«بيتۋم ٶندٸرۋ 2020 جىلدىڭ قورىتىندىسى بويىنشا 1,04 ملن تونناعا جەتتٸ. ياعني ەسەپتٸ جىلدىڭ جوسپارى 105,4 پايىزعا ورىندالدى. 2021 جىلدىڭ بيتۋمگە جوسپارى قازٸرگٸ تاڭدا اۆتوموبيل جولدارى كوميتەتٸمەن پىسىقتالۋدا. بٷگٸنگٸ تاڭدا ٸشكٸ نارىق ەلٸمٸزدە ٶندٸرٸلگەن مۇناي ٶنٸمدەرٸمەن تولىق قامتاماسىز ەتٸلگەن. مۇناي-گاز-حيمييا ٶنٸمدەرٸنە توقتالاتىن بولساق, ونىڭ كٶلەمٸ 359,3 مىڭ تونناعا جەتتٸ. بۇل ٶتكەن جىلدىڭ 12 ايىنىڭ جوسپارىنان اسىپ تٷسٸپ, 103 پايىزدى قۇرادى», - دەدٸ نۇرلان نوعاەۆ.
سونىمەن قاتار مينيستر ەسەپتٸ كەزەڭدە 108 ملرد كۆت ساعات ەلەكتر ەنەرگيياسى, 19,5 مىڭ توننا ۋران ٶندٸرٸلگەنٸن اتاپ ٶتتٸ.
