2020 جىلدىڭ قورىتىندىسىندا ٶڭدەۋ ٶنەركەسٸبٸندە وڭ ٷردٸس ساقتالدى. بۇل تۋرالى ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«2020 جىلدىڭ قورىتىندىسىندا ٶڭدەۋ ٶنەركەسٸبٸندە وڭ ٷردٸس ساقتالدى. ماشينا جاساۋ سالاسى 116,3 پايىز دەڭگەيٸندە تۇراقتى ٶسٸم كٶرسەتتٸ. اۆتوكٶلٸك قۇرالدارى, ترەيلەرلەر جەنە جارتىلاي تٸركەمەلەر, ٶزگە كٶلٸك قۇرالدارىن, ەلەكتر جابدىقتارىن جاساۋ, ماشينالار مەن جابدىقتار ٶندٸرٸسٸ ٶستٸ. تٷستٸ مەتاللۋرگييادا دا وڭ ديناميكا بايقالدى. ٶسٸم - 2,8 پايىز. وعان تازارتىلعان التىن, قۇيما التىن ٶندٸرۋ, تٷيٸرشٸكتەردەگٸ كٷمٸس, «دورە» قورىتپاسى, باستاپقى اليۋمينيي ٶندٸرٸسٸ جەنە باسقا دا كٶرسەتكٸشتەردٸڭ ٶسٸمٸ ەسەبٸنەن قول جەتكٸزٸلدٸ», - دەدٸ مينيستر.
ونىڭ ايتۋىنشا, قارا مەتاللۋرگييادا ٶسٸم 4,1پايىز بولدى. ارماتۋرا پروكاتى, رەلستەر, فەررو-سيليكو-مارگانەتس, ارماتۋرالار, شارلار جەنە دومالاق شىبىقتاردىڭ تاۋار ٶندٸرٸسٸ ٶستٸ.
«فارماتسەۆتيكا ٶنەركەسٸبٸ ٸشكٸ نارىقتىڭ ەڭ قاجەتتٸ ٶنٸمدەرگە سۇرانىسىن تولىق ٶتەپ, ٶندٸرٸس كٶلەمٸ 47 پايىزعا ارتتى. جەڭٸل ٶنەركەسٸپتە ٶندٸرٸس 15 پايىزعا ٶستٸ. بۇل توقىما بۇيىمدارى ٶندٸرٸسٸنٸڭ, كيٸمنٸڭ جەنە بىلعارى ٶنٸمدەردٸڭ ۇلعايۋىنا بايلانىستى بولدى. اعاش جەنە تىعىن بۇيىمدارى ٶندٸرٸسٸنٸڭ ٶسٸمٸ 43, پايىزدى قۇرادى. قۇرىلىس ماتەريالدارى ٶندٸرٸسٸ 1,8 پايىزعا ارتتى. ٶڭدەۋ ٶنەركەسٸبٸندەگٸ وڭ ديناميكاعا پاندەمييا كەزەڭٸندە ٷكٸمەت قابىلداعان قولداۋ شارالارى, شاعىن جەنە ورتا بيزنەستٸڭ تۇراقتى دامۋى ەسەبٸنەن قول جەتكٸزٸلدٸ», - دەدٸ بەيبٸت اتامقۇلوۆ.
