200 ملن تەڭگەلٸك اۆتوپارك: پەريزات قايراتتان تەركٸلەنگەن قىمبات كٶلٸكتەر كٸمگە بۇيىردى?

پەريزات قايرات پەن ونىڭ اناسى عايني الاشباەۆاعا قاتىستى قىلمىستىق ٸس اياسىندا تٶرت اۆتوكٶلٸك تەركٸلەندٸ. ولاردىڭ قاتارىندا Mercedes-Benz-تٸڭ ەكٸ مودەلٸ, Lexus LX 600 جەنە Haval H6 GT بار. كٶلٸكتەردٸڭ جالپى باعالاۋ قۇنى 196 744 985 تەڭگە, ياعني شامامەن 197 ملن تەڭگە بولادى, دەپ حابارلايدى ult.kz.

24.kz جازۋىنشا, قىمبات كٶلٸكتەردٸڭ ەشقايسىسى قاراپايىم ازاماتتارعا ساتىلعان جوق. ولار ەلەكتروندىق ساۋدا قورىتىندىسىمەن پوليتسيياعا, ەكونوميكالىق تەرگەۋ قىزمەتٸنە جەنە ارنايى مەملەكەتتٸك ورگانعا بەرٸلدٸ.

كٶرسەتٸلگەن سومالار – كٶلٸكتەردٸڭ باعالاۋ قۇنى. بۇل ولاردىڭ باستاپقىدا قانشا اقشاعا ساتىپ الىنعانىن نەمەسە قازٸرگٸ نارىقتاعى ناقتى باعاسىن بٸلدٸرمەيدٸ.

Mercedes-Benz S 450 – 79,4 ملن تەڭگەلٸك فلاگمان

تەركٸلەنگەن كٶلٸكتەردٸڭ ەڭ قىمباتىنىڭ بٸرٸ – 2024 جىلى شىعارىلعان قارا تٷستٸ Mercedes-Benz S 450. ونىڭ مەملەكەتتٸك نٶمٸرٸ – 777 KPK 01, ال باعالاۋ قۇنى 79 415 000 تەڭگە بولعان.

ەلەكتروندىق ساۋدا پورتالىنداعى مەلٸمەتتە كٶلٸكتٸڭ سالونى اق تٷستٸ بىلعارىمەن قاپتالعانى كٶرسەتٸلگەن. وعان Pandora دابىل جٷيەسٸ بار كٸلت قوسا بەرٸلگەن. الايدا اككۋمۋلياتورى وتىرىپ قالعاندىقتان, اۆتوموبيلدٸڭ تەحنيكالىق جاعدايىن تولىق تەكسەرۋ مٷمكٸن بولماعان. كەيٸن كٶلٸك استانا قالاسىنىڭ پوليتسييا دەپارتامەنتٸنە بەرٸلدٸ.

Mercedes-Benz S-Class – نەمٸس ماركاسىنىڭ پرەدستاۆيتەلدٸك ساناتتاعى فلاگمان سەدانى. S 450 نۇسقاسى التى تسيليندرلٸ بەنزين قوزعالتقىشىن ەلەكتر ستارتەر-گەنەراتورىمەن بٸرٸكتٸرەتٸن جۇمساق گيبريدتٸك تەحنولوگيياسىمەن جەنە 4MATIC تولىق جەتەك جٷيەسٸمەن ەرەكشەلەنەدٸ. S-Class جايلى جٷرٸسٸمەن, ارتقى قاتارداعى كەڭٸستٸگٸمەن جەنە جٷرگٸزۋشٸگە كٶمەكتەسەتٸن ەلەكتروندىق جٷيەلەرٸمەن تانىمال.

Lexus LX 600 – يەسٸ قۇپييا ساقتالعان جول تالعامايتىن كٶلٸك

قارا تٷستٸ Lexus LX 600 كٶلٸگٸنٸڭ باعالاۋ قۇنى 79 121 985 تەڭگە بولعان. ونىڭ مەملەكەتتٸك نٶمٸرٸ – 100 PKO 01. اۆتوموبيل عايني الاشباەۆانىڭ باۋىرىنىڭ اتىنا تٸركەلگەنٸ حابارلانعان.

العاشىندا Lexus قارجىلىق مونيتورينگ اگەنتتٸگٸنٸڭ بالانسىنا بەرٸلگەن. كەيٸن مەملەكەتتٸك مٷلٸك كوميتەتٸ ونى ارنايى مەملەكەتتٸك ورگانداردىڭ بٸرٸنە ٶتكٸزگەنٸن مەلٸمدەدٸ. ناقتى قاي مەكەمە پايدالاناتىنى مەملەكەتتٸك قۇپيياعا جاتقىزىلىپ, جارييالانبادى. مۇنداي ورگاندار قاتارىنا ۇلتتىق قاۋٸپسٸزدٸك قۇرىلىمدارى, سىرتقى بارلاۋ سالاسىنداعى ۋەكٸلەتتٸ ورگان جەنە مەملەكەتتٸك كٷزەت قىزمەتٸ كٸرەدٸ.

Lexus LX 600 – رامالىق قۇرىلىمى بار تولىق ٶلشەمدٸ پرەميۋم جول تالعامايتىن كٶلٸك. ول 3,5 ليترلٸك قوس تۋربينالى V6 بەنزين قوزعالتقىشىمەن جابدىقتالادى. ەۋروپالىق سيپاتتامادا قوزعالتقىش قۋاتى 415 ات كٷشٸ, اينالۋ مومەنتٸ 650 ن·م دەپ كٶرسەتٸلگەن. قۋات 10 ساتىلى اۆتوماتتى بەرٸلٸس قورابى ارقىلى تۇراقتى تولىق جەتەك جٷيەسٸنە بەرٸلەدٸ.

مودەلدە جولسىز جەرگە ارنالعان Multi-Terrain Select رەجيمدەرٸ, اينالانى جەنە كٶلٸك استىنداعى اۋماقتى كٶرسەتەتٸن كامەرالار, بيٸكتٸگٸ رەتتەلەتٸن اسپا جەنە تٶمەن جىلدامدىقتا قوزعالىستى باسقاراتىن Crawl Control جٷيەسٸ قاراستىرىلعان. ياعني بۇل تەك مەرتەبەلٸ قالا كٶلٸگٸ ەمەس, كٷردەلٸ جول جاعدايىنا دا بەيٸمدەلگەن جول تالعامايتىن اۆتوموبيل.

Mercedes-Benz EQE 500 4MATIC – 26 ملن تەڭگەلٸك ەلەكتروموبيل

اق تٷستٸ Mercedes-Benz EQE 500 4MATIC ەلەكتروموبيلٸ 2023 جىلى شىعارىلعان. ونىڭ مەملەكەتتٸك نٶمٸرٸ – 111 KPK 01, باعالاۋ قۇنى 26 269 000 تەڭگە بولعان.

ەلەكتروندىق ساۋداعا شىعارىلعان كەزدە كٶلٸكتٸڭ سول جاق بٶلٸگٸندە بٸرنەشە زاقىم بارى كٶرسەتٸلدٸ. اتاپ ايتقاندا, ەسٸگٸ, ارتقى كٶرٸنٸس ايناسى, جٷرگٸزۋشٸ جاقتاعى ەينەگٸ, قاناتى, بامپەرٸ, تابالدىرىعى مەن فاراسى بٷلٸنگەن. ونىڭ تەحنيكالىق جاعدايىن دا تولىق تەكسەرۋ مٷمكٸن بولماعان.

EQE – Mercedes-Benz كومپانيياسىنىڭ تولىق ەلەكترلٸ بيزنەس-كلاسس سەدانى. ال 4MATIC بەلگٸسٸ كٶلٸكتٸڭ تولىق جەتەك جٷيەسٸمەن جابدىقتالعانىن بٸلدٸرەدٸ. مودەل اەروديناميكالىق «بٸر دوعا» پٸشٸنٸمەن, تىنىش سالونىمەن, تسيفرلىق MBUX باسقارۋ جٷيەسٸمەن جەنە كەي نۇسقالارىندا ۇسىنىلاتىن كەڭ فورماتتى Hyperscreen ديسپلەيٸمەن ەرەكشەلەنەدٸ.

بۇل كٶلٸككە شىمكەنت قالاسى بويىنشا ەكونوميكالىق تەرگەپ-تەكسەرۋ دەپارتامەنتٸ مەن پاۆلودار وبلىسى بويىنشا شەكارا قىزمەتٸنٸڭ دەپارتامەنتٸ ٶتٸنٸم بەرگەن. قولدانىستاعى تەرتٸپ بويىنشا ٶتٸنٸمدٸ بٸرٸنشٸ تاپسىرعان مەكەمەگە باسىمدىق بەرٸلٸپ, ەلەكتروموبيل شىمكەنتتەگٸ ەكونوميكالىق تەرگەۋ قىزمەتٸنە بۇيىردى.

Haval H6 GT – تٸزٸمدەگٸ ەڭ ارزان كٶلٸك

تٶرت اۆتوموبيلدٸڭ ٸشٸندەگٸ باعالاۋ قۇنى ەڭ تٶمەنٸ – قارا تٷستٸ Haval H6 GT. 2024 جىلى شىعارىلعان كٶلٸكتٸڭ مەملەكەتتٸك نٶمٸرٸ – 514 ARQ 01. ول 11 939 000 تەڭگەگە باعالانعان.

اۆتوموبيل عايني الاشباەۆانىڭ باۋىرى قىرىمگەرەي الاشباەۆتىڭ اتىنا تٸركەلگەن. ساۋدا قورىتىندىسىمەن Haval H6 GT تە استانا قالاسىنىڭ پوليتسييا دەپارتامەنتٸنە بەرٸلدٸ.

Haval H6 GT – تٶبەسٸ ارتقى بٶلٸگٸنە قاراي كٶلبەۋ تٷسەتٸن كۋپە-كروسسوۆەر. قازاقستاندا ۇسىنىلعان بەنزيندٸ نۇسقاسى 2 ليترلٸك تۋربوموتورمەن, جەتٸ ساتىلى قوس ٸلٸنٸستٸ روبوتتاندىرىلعان بەرٸلٸس قورابىمەن جەنە تولىق جەتەكپەن جابدىقتالعان. رەسمي سيپاتتامادا قۋاتى 204 ات كٷشٸ, اينالۋ مومەنتٸ 320 ن·م, جٷكسالعىش كٶلەمٸ 555 ليتر دەپ كٶرسەتٸلگەن.

مودەلدە اداپتيۆتٸ كرۋيز-باقىلاۋ, اۆتوماتتى تەجەۋ, اينالانى شولاتىن كامەرالار جەنە تۇراققا اۆتوماتتى قويۋ جٷيەسٸ سەكٸلدٸ ەلەكتروندىق كٶمەكشٸلەر قاراستىرىلعان. جاڭا Haval H6 GT-نٸڭ قازاقستانداعى رەسمي باعاسى قازٸرگٸ پرايس بويىنشا كومپلەكتاتسيياسىنا قاراي 15,79–15,99 ملن تەڭگە ارالىعىندا كٶرسەتٸلگەن.

كٶلٸكتەر نەگە اشىق نارىقتا ساتىلمادى?

Tengrinews.kz جازۋىنشا, مەملەكەتتٸك مٷلٸك جەنە جەكەشەلەندٸرۋ كوميتەتٸنٸڭ تٷسٸندٸرۋٸنشە, تەركٸلەنگەن كٶلٸكتەردٸ مەملەكەتتٸك ورگانداردىڭ بالانسىنا بەرۋ بيۋدجەت قاراجاتىن ٷنەمدەۋگە مٷمكٸندٸك بەرەدٸ. ياعني مەكەمە جاڭا قىزمەتتٸك كٶلٸك ساتىپ العانشا, سوت شەشٸمٸمەن مەملەكەت مەنشٸگٸنە ٶتكەن اۆتوموبيلدٸ پايدالانا الادى.

مۇنداي كٶلٸكتەر الدىمەن قۇقىق قورعاۋ, ارناۋلى مەملەكەتتٸك جەنە بەلگٸلٸ بٸر مەملەكەتتٸك ورگاندارعا ارنالعان ەلەكتروندىق ساۋداعا شىعارىلادى. بٸرنەشە مەكەمە ٶتٸنٸم بەرگەن جاعدايدا قۇجاتتى بٸرٸنشٸ تاپسىرعان ورگانعا باسىمدىق بەرٸلەدٸ.

پەريزات قايراتتىڭ ٸسٸ بويىنشا قانداي ٷكٸم شىققان?

2025 جىلعى 25 شٸلدەدە استانانىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى پەريزات قايراتتى الاياقتىق جەنە قىلمىستىق جولمەن الىنعان اقشانى زاڭداستىرۋ باپتارى بويىنشا كٸنەلٸ دەپ تانىپ, 10 جىلعا باس بوستاندىعىنان ايىردى. ونىڭ اناسى عايني الاشباەۆاعا جەتٸ جىل جازا تاعايىندالدى.

سوت ولاردىڭ مٷلكٸن تەركٸلەۋ, قايىرىمدىلىق قىزمەتپەن اينالىسۋىنا تىيىم سالۋ جەنە 50 جەبٸرلەنۋشٸنٸڭ پايداسىنا 1 582 649 591 تەڭگە ماتەريالدىق شىعىن ٶندٸرۋ تۋرالى شەشٸم شىعارعان.

وسىلايشا پەريزات قايرات ٸسٸ بويىنشا تەركٸلەنگەن تٶرت كٶلٸكتٸڭ ەكەۋٸ استانا پوليتسيياسىنا, بٸرەۋٸ شىمكەنتتەگٸ ەكونوميكالىق تەرگەۋ قىزمەتٸنە, تاعى بٸرٸ اتاۋى قۇپييا ساقتالعان ارنايى مەملەكەتتٸك ورگانعا بەرٸلدٸ.

ەسكە سالا كەتەيٸك, بۇعان دەيٸن قازاقستاندا ەكٸنشٸ بۋىنداعى جاڭا Li Auto L9 رەسمي تٷردە تانىستىرىلعانىن جازعان ەدٸك.