جاستار اراسىندا ەلەم چەمپيونى اتانعان سادريددين احمەدوۆ (3-0, 3 كو) كەسٸپقوي بوكستاعى تٶرتٸنشٸ جەڭٸسٸنە قول جەتكٸزدٸ.
ورتا سالماقتا جۇدىرىقتاساتىن 20 جاستاعى وتانداسىمىز كەزەكتٸ جەكپە-جەگٸن مونرەالدا (كانادا) ٶتكٸزدٸ. ونىڭ قارسىلاسى مەكسيكالىق حاۆەر حەسۋس مەندوسا (7-5-1, 6 كو) بولدى.
التى راۋندقا ەسەپتەلگەن جەكپە-جەكتٸڭ 57-شٸ سەكۋندىندا احمەدوۆ تەحنيكالىق نوكاۋتپەن مەرزٸمٸنەن بۇرىن جەڭٸسكە جەتتٸ. وسىلايشا سادريددين كەسٸپقوي بوكستاعى تٶرت جەكپە-جەگٸن دە نوكاۋتپەن اياقتاپ وتىر, ال مەندوسا كارەراسىندا التىنشى مەرتە جەڭٸلٸسكە ۇشىرادى, دەپ حابارلادى Sputnik Sports.kz پورتالىنا سٸلتەمە جاساپ.
ايتا كەتەيٸك, كانادالىق باق احمەدوۆتىڭ بولاشاعى جارقىن ەكەنٸن جارىسا جازىپ جاتىر. مىسالى, Boxrec.com جۋرناليسٸ فيليپپ سەنت-مارتەن: "مىنا جٸگٸتتٸ نازاردا ۇستاڭىزدار! ونىڭ بويىندا ۇلى كارەرا جاساۋعا قاجەتتٸنٸڭ بەرٸ بار!", — دەپ اتاپ ٶتتٸ.
ەستەرٸڭٸزگە سالا كەتەيٸك, جۇما كٷنٸ جەڭٸلٸپ كٶرمەگەن تاعى بٸر قازاقستاندىق بوكسشى ەلي احمەدوۆ كەسٸبي رينگتەگٸ 13-شٸ جەڭٸسٸنە قول جەتكٸزگەنٸن جازعان ەدٸك.
23 جاستاعى WBC جاستار بەلبەۋٸنٸڭ يەگەرٸ اقش-تىڭ كاليفورنييا شتاتىنداعى كوستا-مەسە قالاسىندا بەلبەۋ ٷشٸن جەكپە-جەك ٶتكٸزدٸ. قازاقستاندىق سپورتشىنىڭ قارسىلاسى 27 جاستاعى مەكسيكالىق دجوۆاني حاۆەر گومەس بولدى. سەگٸز راۋندقا جوسپارلانعان جەكپە-جەك العاشقى راۋندتا-اق اياقتالدى. بۇعان احمەدوۆتٸڭ قارسىلاسىنىڭ باۋىرىنان قاتتى سوققى جاساۋى سەبەپ بولدى.
WBC بەلبەۋلەر جٷيەسٸنە كٸرەتٸن NABF (سولتٷستٸك امەريكانىڭ بوكس فەدەراتسيياسى) Junior چەمپيوندىق تيتۋلى بەسكە تٸگٸلگەن-دٸ.
