مٷمكٸندٸگٸ شەكتەۋلٸ بالالار تۇرعىن ٷي كەزەگٸنە تۇرۋ قۇقىعىنا قاتىستى جاڭا نورما ەنگٸزٸلەدٸ. بۇل تۋرالى پارلامەنت مەجٸلٸسٸنٸڭ جالپى وتىرىسىندا تيٸستٸ زاڭ جوباسىن قاراۋ كەزٸندە قر ەڭبەك جەنە حالىقتى ەلەۋمەتتٸك قورعاۋ مينيسترٸ سەرٸك شەپكەنوۆ مەلٸم ەتتٸ, دەپ حابارلايدى قازاقپارات.
ايتا كەتەيٸك, دەپۋتاتتار «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ازاماتتاردىڭ جەكەلەگەن ساناتتارىن ەلەۋمەتتٸك قورعاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا تالقىلانىپ جاتىر.
«قۇجاتتا مٷگەدەكتٸگٸ بار بالانى تەربيەلەپ وتىرعان وتباسىلارعا بالا كەمەلەتتٸك جاسقا تولعاننان كەيٸن دە تۇرعىن ٷي كەزەگٸندە تۇرۋ قۇقىعىن ساقتاۋ كٶزدەلەدٸ. ٸس جٷزٸندە مۇنداي وتباسىلار تۇرعىن ٷي كەزەگٸندە 10 جىلعا دەيٸن تۇرادى. ەگەر بالا 18 جاسقا تولعانعا دەيٸن تۇرعىن ٷي الۋ مٷمكٸن بولماسا, وندا مٷگەدەكتٸگٸ بار ازامات كەزەككە قايتا تۇرۋعا مەجبٷر. بۇل نورما 20 مىڭنان استام وتباسىنا تۇرعىن ٷي كەزەگٸن ساقتاۋعا مٷمكٸندٸك بەرەدٸ», - دەدٸ سەرٸك شەپكەنوۆ.
