اۋعانستاندا گۋمانيتارلىق داعدارىس كٷشەيۋدە. 20 ميلليون اۋعاندىق كٶمەككە مۇقتاج. بۇل تۋرالى بٷگٸن بۇۇ-نىڭ بوسقىندار ٸستەرٸ جٶنٸندەگٸ جوعارى كوميسسارىنىڭ باسقارماسى (بجكب) ايتتى, دەپ حابارلايدى قازاقپارات بۇۇ-نىڭ جاڭالىقتار سايتىنا سٸلتەمە جاساپ.
وسىدان بٸر اي بۇرىن اۋعانستانداعى گۋمانيترالىق وپەراتسييالاردى جٷرگٸزۋگە 606 ميلليون دوللار قاجەت ەكەندٸگٸ ايتىلعان. بۇۇ بۇل سومانىڭ تەك 35 پايىزى عانا كٶمەك رەتٸندە جيناعان. بۇل قاراجات اۋعان ەكونوميكاسىنىڭ تولىقتاي كٷيرەۋٸن بولدىرماۋ ٷشٸن قاجەت. بۇۇ-نىڭ باس حاتشىسى انتونيۋ گۋتەرريش بۇل تۋرالى اۋعانستان بويىنشا تٶتەنشە كەزدەسۋگە جينالعان «ٷلكەن جيىرمالىق» كٶشباسشىلارىنا ەسكەرتتٸ.
«اۋعانستان ٶزگەرٸستٸ كەزەڭ الدىندا تۇر», - دەدٸ بۇۇ باس حاتشىسى.
بجكب ٶكٸلٸ بابار بالوح كابۋلدا ەل ٸشٸندە قونىس اۋدارعان جٷزدەگەن اۋعاندىققا تٶتەنشە قولداۋ كٶرسەتۋ ماقساتىندا باسقارمانىڭ اۋعانستانمەن شەكارالاس ەلدەرٸندە لوگيستيكالىق ورتالىقتار قۇرۋمەن اينالىسىپ جاتقانىن مەلٸمدەدٸ.
«تٷن سالقىن بولا باستادى, سول سەبەپتٸ ٷي-جايسىز قالعان ادامدارعا جەدەل تٷردە كٶمەك قاجەت», - دەدٸ بالوح.
ونىڭ ايتۋىنشا, كٶمەك قاجەت ەتەتٸن اۋعاندىقتاردىڭ سانى 20 ميلليونعا جەتتٸ جەنە كٷن سايىن كٶبەيٸپ جاتىر.
بۇۇ-نىڭ حابارلاۋىنشا, بٷگٸنگٸ كٷنٸ اۋعان وتباسىلارىنىڭ تەك بەس پايىزى عانا دۇرىس تاماقتانۋدا. بەس جاسقا دەيٸنگٸ بالالاردىڭ جارتىسىنان استامى اشتىقتىڭ زاردابىن شەگۋدە.
