Aýǵanstanda gýmanitarlyq daǵdarys kúsheiýde. 20 million aýǵandyq kómekke muqtaj. Bul týraly búgin BUU-nyń Bosqyndar isteri jónindegi Joǵary komissarynyń basqarmasy (BJKB) aitty, dep habarlaidy QazAqparat BUU-nyń jańalyqtar saityna silteme jasap.
Osydan bir ai buryn Aýǵanstandaǵy gýmanitralyq operatsiialardy júrgizýge 606 million dollar qajet ekendigi aitylǵan. BUU bul somanyń tek 35 paiyzy ǵana kómek retinde jinaǵan. Bul qarajat aýǵan ekonomikasynyń tolyqtai kúireýin boldyrmaý úshin qajet. BUU-nyń Bas hatshysy Antoniý Gýterrish bul týraly Aýǵanstan boiynsha tótenshe kezdesýge jinalǵan «Úlken jiyrmalyq» kóshbasshylaryna eskertti.
«Aýǵanstan ózgeristi kezeń aldynda tur», - dedi BUU Bas hatshysy.
BJKB ókili Babar Baloh Kabýlda el ishinde qonys aýdarǵan júzdegen aýǵandyqqa tótenshe qoldaý kórsetý maqsatynda Basqarmanyń Aýǵanstanmen shekaralas elderinde logistikalyq ortalyqtar qurýmen ainalysyp jatqanyn málimdedi.
«Tún salqyn bola bastady, sol sebepti úi-jaisyz qalǵan adamdarǵa jedel túrde kómek qajet», - dedi Baloh.
Onyń aitýynsha, kómek qajet etetin aýǵandyqtardyń sany 20 millionǵa jetti jáne kún saiyn kóbeiip jatyr.
BUU-nyń habarlaýynsha, búgingi kúni aýǵan otbasylarynyń tek bes paiyzy ǵana durys tamaqtanýda. Bes jasqa deiingi balalardyń jartysynan astamy ashtyqtyń zardabyn shegýde.
