قازاقستاننىڭ 7 بوكسشىسى جاتتىقتىرۋشىلارمەن جەنە دەرٸگەرلەرمەن بٸرگە ازييا ويىندارىنا اتتاندى, دەپ حابارلايدى قازاقپارات تٸلشٸسٸ.
قر بوكس فەدەراتسيياسىنىڭ مەلٸمەتٸنشە, قازاقستان كومانداسى الدىمەن استانادان بانگكوكقا دەيٸن ۇشادى. ودان كەيٸن ٷش ساعات ۇشاق كٷتٸپ, 4 ساعات ۇشىپ دجاكارتاعا جەتەدٸ. العاشقى ەكٸ كٷندە بوكسشىلارىمىز دەمالىپ, جەرگٸلٸكتٸ كليماتقا, تاماعىنا بەيٸمدەلەدٸ.
«العاشقى ەكٸ كٷن بەيٸمدەلۋ ۋاقىتى. ال 18-ٸ كٷنٸ ويىنداردىڭ اشىلۋ رەسٸمٸنە قاتىسامىز. 19-ىنان باستاپ العاشقى كەزدەسۋلەرگە دايىندىقتى باستايمىز. ٶزٸمٸزبەن بٸرگە 20 كەلٸ جىلقى ەتٸن ەكەتٸپ بارامىز. جٸگٸتتەر كٸمگە قانشا جەنە قاي ۋاقىتتا جەۋ كەرەكتٸگٸن ٶزدەرٸ شەشەدٸ», - دەدٸ ۇلتتىق قۇرامامىزدىڭ باس جاتتىقتىرۋشىسى مىرزاعالي ايتجانوۆ.
كوماندانىڭ دەرٸگەرٸ يرەك ساتوۆتىڭ ايتۋىنشا, ازييانىڭ ىستىق ەلدەرٸندە ٸشەك جۇقپالى اۋرۋلارىن جۇقتىرۋ قاۋپٸ جوعارى.
«سوندىقتان مٷمكٸندٸگٸنشە قولدى جيٸ جۋۋ كەرەك. بٸز شٷمەكتەن اعىپ تۇرعان سۋمەن تٸزدٸ تازالاماۋعا كەڭەس بەرەمٸز. بٶتەلكەدەگٸ سۋدى پايدالانعان جٶن. بارلىق ۋاقىتتا دا مۇنداي جارىستارعا ٷلكەن جٷكپەن بارامىز. ال بۇل جولى ازيادانىڭ مەديتسينالىق شتابى كٶمەكتەسٸپ, كەيبٸر دەرٸ-دەرمەكتەرمەن قامتاماسىز ەتەدٸ. سوندىقتان بۇل جولى دجاكارتاعى دەرٸگەر مەن ماسساجشى 40 كەلٸدەن استام دەرٸ-دەرمەك اپارا جاتىر», - دەدٸ ول.
ايتا كەتەيٸك, بوكسشىلارىمىزدىڭ شارشى الاڭداعى كەزدەسۋلەرٸ 24 تامىزدا باستالادى. فينالدىق جەكپە-جەكتەر 1 قىركٷيەكتە ٶتەدٸ.
