پارلامەنت مەجٸلٸسٸنٸڭ جالپى وتىرىسىندا دەپۋتات دٷيسەنباي تۇرعانوۆ سۋ ۇڭعىمالارىن زەرتتەۋ مەن بارلاۋ مەسەلەسٸن كٶتەردٸ, دەپ حابارلايدى قازاقپارات.
«قازٸرگٸ كەزدە 2 مىڭنان استام اپاتتى ۇڭعىمادان سۋ ەشبٸر قاداعالاۋسىز دالاعا اعىپ كەتٸپ جاتىر», - دەدٸ د. تۇرعانوۆ پرەمەر-مينيستردٸڭ ورىنباسارى رومان سكلياردىڭ اتىنا جولداعان ساۋالىندا.
ونىڭ ايتۋىنشا, ەسەپ كوميتەتٸنٸڭ 2022-2024 جىلدارعا ارنالعان بيۋدجەت جوباسىن باعالاۋ بويىنشا قورىتىندىسىندا 2015 جىلدان بەرٸ بارلاۋ مەن زەرتتەۋ جۇمىستارى جەرگٸلٸكتٸ اتقارۋشى ورگاندار قۇزىرەتٸنە بەرٸلگەنٸ اتاپ ٶتٸلگەن. ٸس-شارالاردى جٷزەگە اسىرۋدىڭ مونيتورينگٸ 2020 جىلعا دەيٸن ۇلتتىق ەكونوميكا مينيسترلٸگٸ تاراپىنان جٷرگٸزٸلدٸ. 2020 جىلدان باستاپ ٸزدەۋ-زەرتتەۋ جۇمىستارى تۇرعىسىنداعى ٸس-شارالار جاڭا «نۇرلى جەر» باعدارلاماسىنا ەنگٸزٸلمەۋٸ سەبەبٸنەن, مەملەكەتتٸك ورگاندار تاراپىنان باقىلاۋ مەن ٷيلەستٸرۋ ٸسكە اسىرىلمادى.
«وسىنىڭ نەتيجەسٸندە, 7 جىلدا (2012-2019 جىلدارى) بارلاۋ-زەرتتەۋ ەرٸ تولىق بارلاۋ جۇمىستارىنىڭ جوسپارى سەيكەسٸنشە 86 جەنە 91 پايىزعا ورىندالدى. مەملەكەتتٸك ورگانداردىڭ وسىنداي كەلٸسٸلمەگەن ەرٸ تيٸمسٸز ٸس-قيمىلى حالىق ٷشٸن, سونداي-اق ەلدٸڭ ەكونوميكاسى ٷشٸن تەرٸس سالدارعا الىپ كەلۋٸ مٷمكٸن», - دەدٸ دەپۋتات.
