پەتروپاۆلدا جوعارى پايىزبەن زاڭسىز قارىز بەرٸپ كەلگەن بوكس فەدەراتسيياسىنىڭ بۇرىنعى ۆيتسە-پرەزيدەنتٸ مارات ەبٸلعازيەۆ سوتتالدى. سوت ونىڭ 2013-2025 جىلدارى وسىنداي قىزمەتتەن 1,879 ملرد تەڭگە زاڭسىز تابىس تاپقانىن انىقتادى, دەپ حابارلايدى ult.kz.
«ۆرەميا» باسىلىمىنىڭ جازۋىنشا, تەرگەۋ مەلٸمەتٸنشە, ەبٸلعازيەۆتەن 43 ادام قارىز العان. ولار پەتەرلەرٸن, ٷيلەرٸن, كٶلٸكتەرٸن جەنە كوممەرتسييالىق نىساندارىن كەپٸلگە قويعان. قارىز بويىنشا اي سايىنعى پايىز كەي جاعدايدا 10 پايىزعا دەيٸن جەتكەن.
سوت ماتەريالدارىندا كەيبٸر قارىز الۋشىلاردىڭ بەرەشەكتٸ ٶتەگەنٸنە قاراماستان, قارىزى ازايماعانى كٶرسەتٸلگەن. بٸر جاعدايدا 11 ملن تەڭگە العان كەسٸپكەر ٷش جىلدا 24 ملن تەڭگە تٶلەسە دە, ودان تاعى اقشا تالاپ ەتٸلگەن.
تاعى بٸر ەپيزودتا ەيەل 13 مىڭ دوللار قارىز الىپ, پەتەرٸن كەپٸلگە قويعان. الايدا قۇجاتتا باسپانا ەبٸلعازيەۆكە ساتىلعان بولىپ رەسٸمدەلٸپ, كەيٸن ول پەتەردٸ ٶز اتىنا تٸركەپ, باسقا ادامعا ساتىپ جٸبەرگەن.
سوت ٷكٸمٸمەن ەبٸلعازيەۆتٸڭ 99 ملن تەڭگەدەن استام بانك قاراجاتى, 126 ملن تەڭگەدەن استام قولما-قول اقشاسى, شامامەن 397 مىڭ دوللارى, كٶلٸكتەرٸ, جەرٸ مەن جىلجىمايتىن مٷلكٸ تەركٸلەندٸ.
ول كٸنەسٸن مويىنداعان جوق. سوت ونى زاڭسىز ميكروقارجىلاندىرۋ قىزمەتٸ, ٶز بەتٸنشە ەرەكەت ەتۋ جەنە الاياقتىققا ەرەكەت جاساعانى ٷشٸن كٸنەلٸ دەپ تانىپ, باستاپقىدا 3,5 جىلعا باس بوستاندىعىنان ايىردى. كەيٸن راقىمشىلىققا بايلانىستى جازا مەرزٸمٸ 2 جىل 7 اي 15 كٷنگە قىسقارتىلدى.
