ۇلىتاۋدىڭ 72 جاستاعى تۇرعىنى سەرسەنباي قوتىراشوۆ بٷكٸل قازاقستاندى جاياۋ ارالاپ شىعۋ نيەتٸمەن ساپارعا شىققان. بٷگٸن ول 1 700 شاقىرىمدى ارتقا تاستاپ, الماتىعا جەتتٸ. بۇل - ونىڭ جوسپارلى باعىتىنداعى 17 قالانىڭ بەسٸنشٸسٸ, دەپ حابارلايدى قازاقپارات.
ساياحاتشى الماتىدا ستۋدەنتتەرمەن كەزدەستٸ. ول جولداعى ەڭ كٷردەلٸ اۋماق – جەزقازعان-قىزىلوردا اراسى مەن تارازعا دەيٸنگٸ تاۋ اسۋلارى بولعانىن ايتتى. سونداي-اق, اۋا رايى دا كەدەرگٸ كەلتٸرەتٸنٸن جەتكٸزدٸ. دەگەنمەن, ەشبٸر كەدەرگٸگە قاراماستان, ساپارىن جالعاستىرىپ كەلەدٸ.
اقساقال «ۇلىتاۋدا بولدىڭ با?» اتتى مارافونعا جەتٸ جىل دايىندالىپتى. قاراشا ايىنىڭ باسىنا دەيٸن قازاقستاننىڭ 17 قالاسىن ارالاپ ٶتپەك. ول ٷشٸن جالپى العاندا 8 000 شاقىرىم جٷرۋٸ كەرەك.
«جولدا كەزدەسكەن ادامدار جيٸ توقتاپ, مەنٸ بٸراز جولعا دەيٸن جەتكٸزٸپ تاستاۋدى ۇسىندى. بٸراق, مەن ٶزٸمە بٷكٸل قاشىقتىقتى جاياۋ ٶتٸپ شىعامىن دەپ سەرت بەرگەنمٸن. مەن وسى سەرتٸمدٸ ساقتاۋىم كەرەك», - دەدٸ سەرسەنباي قوتىراشوۆ.
ول بارلىق جەردە ادامداردىڭ قۋانىشپەن قارسى الىپ, قولداۋ بٸلدٸرٸپ جاتقانىنا ريزا. بۇل وعان جٸگەر سىيلايتىنىن ايتتى. قارجىلاي دا, ازىق-تٷلٸكپەن دە كٶمەك كٶرسەتكەندەر بولعان.
مارافونشى الماتىدان قوناەۆ, تالدىقورعان, اياگٶز قالالارىنا جول تارتادى, ودان ەرٸ اقتاۋعا جەتۋدٸ جوسپارلاپ وتىر.
«مەن شەتەلدە ەشقاشان بولعان ەمەسپٸن. وسى ساپاردان سوڭ, كەلەسٸ جىلى مەككە مەن مەديناعا جاياۋ بارۋدى ارماندايمىن», - دەيدٸ ول.
ايتۋىنشا, تۋىستارى باستاپقىدا ونىڭ بۇل ساپارىنا قارسى بولعان. كەيٸن قولداۋ بٸلدٸرٸپتٸ. ول مۇنداي مارافونعا قاتىسقىسى كەلەتٸندەردە ايقىن ماقسات پەن مىقتى دەنساۋلىق بولۋى كەرەكتٸگٸن اتاپ ٶتتٸ.
اقساقالدىڭ قولداۋشى توبى دا بار. ونىمەن بٸرگە ۇلىتاۋدان قىزىلورداعا دەيٸن, شىمكەنتتەن الماتىعا دەيٸن توپ جەتەكشٸسٸ, ٶلكەتانۋشى باحتييار قوجاحمەتوۆ ەرٸپ جٷردٸ.
«مەنٸڭ كٶمەگٸم قانداي بولدى? مەن وعان تاڭعى اس جاساۋعا كٶمەكتەسەم. 20 شاقىرىمدى كٶلٸكپەن جٷرٸپ ٶتەم, بۇل ارالىقتى ول شامامەن تٷسكە دەيٸن جٷرٸپ ٶتۋ كەرەك. سول جەردە مەن شايحانا, كافە, اس ٸشەتٸن جەردٸ ٸزدەيمٸن. ەگەر ولار تابىلماسا, ٶزٸم وعان تٷسكٸ استى دايىندايمىن. ارىقاراي وسى سحەما بويىنشا تاعى 20 شاقىرىم جٷرەم دە, تٷنەپ شىعاتىن ورىندى ٸزدەيمٸن», - دەدٸ باحتييار قوجاحمەتوۆ.
ايتا كەتەيٸك, ۇلىتاۋ ۇلتتىق تاريحي-مەدەني جەنە تابيعي مۇراجاي-قورىعىنىڭ قىزمەتكەرٸ, ەڭبەك ارداگەرٸ سەرسەنباي قوتىراشوۆ 31 ناۋرىزدا جولعا شىققان. ماقساتى – ەل تۇرعىندارىن ۇلىتاۋ اۋدانىنىڭ تاريحى جەنە كيەلٸ جەرلەرٸمەن تانىستىرۋ, سونداي-اق قولٶنەرشٸلەرمەن كەزدەسۋ. تۋعان جەرٸنٸڭ اتىن اسقاقتاتۋدى ٶز مٸندەتٸ سانايدى. ول سونداي-اق, قىمىز مەيرامىن تانىمال ەتكٸسٸ كەلەدٸ.
«سەرسەنباي اتا ساياحاتىنىڭ سوڭىندا پرەزيدەنتكە «قىمىز كٷنٸن» جارييالاۋ, ونى ناۋرىز, ايت مەيرامىمەن قاتار, جىل سايىن تويلاۋ تۋرالى حات جازعىسى كەلەدٸ», - دەدٸ باحتييار قوجاحمەتوۆ.
